新晋视帝大爆TVB人工6千！娶硬杨偲泳欲买四层独立屋

张振朗大爆TVB人工6千：冻饮加2蚊都唔敢

娶硬杨偲泳欲买四层独立屋：听日结婚都未定

现年37岁、今年初荣升双料视帝的张振朗，现时备受TVB力捧，有力取代“首席TVB小生”53岁陈豪之位。张振朗与现年31岁的女友杨偲泳（Renci）拍拖多年，专一形象深得网民喜爱，可以说是事业爱情两得意。

入行14年的他可算是守得云开，近日他接受商台《星光背后》访问， 大爆当年人工仅得6千，永远记得3名好友请他吃食饭；而他亦大爆跟女友杨偲泳的结婚大计，并且有意买天价独立屋跟一众家人同住。

张振朗铭记3好友伸出援手

回想初入行，家住屯门的张振朗人工仅得6千，他表示：“凌晨将军澳收工最辛苦，要公司车去旺角转红van，返到屯门仲要行好远先到屋企。”

他表示曾有3个好友，向穷到㶶的他伸出援手：“好记得当时沉震轩带我食日本拉面，我一望餐牌，咁贵点算？或者佢睇穿我，话‘我请你啦’。又有一次同朱敏瀚、乐瞳一齐出去食嘢，又系见到菜单好贵，佢哋都系讲咗一句‘我请你啦’。好记得呢啲画面，当时连冻饮加两蚊都唔够胆，事关第二日食饭可能就系争呢两蚊。”

张振朗爆结婚大计

张振朗和女友杨偲泳拍拖6年，现时二人的事业都相当不俗，他指他们彼此就是大家的“护身符”。

他表示现时家人没有催婚，故此不急于结婚，但指自己好传统，终有一日会结婚：“当然会想做呢件事，依家关系好舒服，但要等多一阵，因为我同佢都冲刺紧。我哋系好chill嗰种，突然之间听日做都唔出奇！”

此外，张振朗和家人感情极佳，他希望将来储够钱，就买独立屋供父母、哥哥一家四口一共八人一起住：“佢哋6个之外，仲有一个系边个呢？哈哈！同屋企人一齐住好开心呀，最好系一幢四层楼慨独立屋啦。”

张振朗曾被封“地狱黑仔王”

张振朗曾被封“地狱黑仔王”，因为他试过连续5套主演剧集临出街被抽起，拍剧亦多次受伤，其中两次即时送院，“嗰几次受伤系好恐怖，嗰啲剧系朝早话播，到晏昼又唔播。我会谂系咪个天觉得我唔啱呢行？

好彩我乐观，会谂如果啲剧当时播，或者会畀人闹到反艇，嗰两次严重意外，如果我真系黑仔，有可能瓜咗，个cam跌落嚟嗰次，有可能毁容㖞，好彩只系中䏝头！令我知道凡事往好方面睇，好嘢自然会埋嚟。”