女神配对计划｜ 曾展望自爆患过度活跃症靠药物控制 曾上龙虎山考道士资格

女神配对计划｜ 《东周刊》独家专访曾展望

自爆患过度活跃症靠药物控制 曾上龙虎山考道士资格

女神配对计划｜TVB的恋爱真人骚《女神配对计划》近日成为全城热话，当中曾展望（GM）与叶蒨文（Sophie）更是网民焦点。最新一期《东周刊》独家专访曾展望，分享他的人生故事。

曾展望热爱拉丁舞街头被相中入行

现年27岁的曾展望，出生于美国洛杉矶，3岁时随家人移居香港，毕业于香港理工大学会计系。曾展望从小非常爱表演，喜欢参加话剧；另外，热爱拉丁舞的他，更曾在东亚运动会表演。

2017年，因为在街头接受《后生仔倾吓偈》的访问，约半年后节目组突然联系他，邀请他加入《后生仔2.0》。相信命运的他说：“有啲嘢真系整定㗎，其实平时我系一个好少返学慨学生，但系喺街接受访问嗰日，因为喺学校约咗人见面，所以嗰日就著得齐整啲，咁啱嗰日我又早咗半个钟放学⋯⋯半年之后就有人打俾我，去见咗几次之后，就加入咗TVB。”

曾展望患过度活跃症跳烂3张梳化

眼前的曾展望文质彬彬，原来小时侯有过度活跃症，现时回想当年读书的顽皮事件，也觉得极度夸张！他笑指，自己的活跃程度是可以跳烂3张梳化：“当年我上堂，每一堂都要攞老师慨签名，集齐咁多个签名之后，就拎去训导处俾老师睇，少咗个签名，训导主任就会问：‘你今日系咪曳曳，做过啲咩嚟？’

我记得有一次上紧堂，自己无啦啦企起身，揾埋啲同学捉迷藏。当其时觉得好过瘾，好high，个心谂，只系跟同学玩啫！当年，阿妈都未发觉我有呢个问题，佢只不过觉得我系比较活泼，比一般小朋友百厌咗啲啫。”

曾展望无法聚焦超过10秒

直至有一天，曾展望觉得要正视这个问题，因为他做每一件事都不能聚焦逾10秒；于是，他找医生求肋：“医生同我讲，我慨过度活跃症都几严重，需要食药。我食咗药之后，虽然平静咗，但系就会有抑郁慨感觉，唔开心，做事提唔起劲；之后，我就用做运动及睇书来平静自己，唔再食药。”

据悉，Sophie都有轻微的过度活跃症，难怪两人那麽投契。

虽然与Sophie的年龄相差5岁，但GM曾上过龙虎山参加“授箓仪式”，并考取道士资格，故修为及悟性都相当高，绝对能将两人的距离拉近。

GM表示，因八卦而驱使他去认识道教：“读大学时，我有个同学撞鬼，我哋一齐去过沙滩玩，凌晨三、四点，佢竟然见到有一个小朋友行过。返到宿舍，佢望落去，又见到嗰个小朋友围住个泳池跑；之后，搭上搭识到个师傅，话可以解决呢啲嘢。我咪好八卦咁陪佢去啰，跟住就识咗呢个师傅。”

GM续说：“其实，当时我觉得除咗呢啲神怪嘢，呢个师傅讲嘢非常之有道理，我觉得佢系一个几好慨人生导师，所以就想跟佢学习，就入咗道教。”多年来，他从道教中领悟到要活在当下之余，更学识了不少法术去帮人。

未完待续,请点击[下一页]继续阅读