旁觀者｜馬貫東爆拍親熱戲吳若希老公囡囡監場：好尷尬同壓力大

馬貫東（29/12）現身將軍澳電視城出席TVB新劇集《旁觀者》宣傳造勢活動，馬貫東（飾高大昇）在劇中與吳若希（飾練采文）有感情線，雙方少不免會有親熱場口。

馬貫東受訪時表示：「今次劇中我嘅角色係一個好自戀同埋蝦蝦霸霸嘅人，其實佢又唔係一個衰人，但係外界嘅人就會覺得佢係，但其實佢係一個好人嚟。而我同吳若希係首次合作，感覺好新鮮。

（同人妻吳若希拍親熱戲驚唔驚？）咁又唔驚，我好記得有一場接吻戲，佢老公同佢個小朋友都喺度睇住我哋拍，反而係搞到我有啲尷尬同壓力大。

不過唔係因為拍親熱戲佢老公先嚟，好多時佢都會嚟探班，知佢老婆吳若希拍劇辛苦，佢會等佢拍完接佢收工，所以佢真係一個好老公嚟。」