林智樂驚水腫出發前唔敢瞓 快閃日本兩日1夜拍MV

林智樂（Felix）推出第2首派台歌《澀谷駅前等》，借著名日本忠犬八公作比喻，用一生等待所愛，即使沒結果都值得，更有機會去日本拍MV，雖然只是快閃兩日1夜，他已勁開心。

提到兩奪新人獎，Felix興奮表示終於對幫過他的人有所回報。

採訪：杜杜 攝影：羅安強 髮型:Hugo Poon@private i salon 場地:Studio Meta

Felix繼首支派台歌《忘記趁早》後，再跟作曲澤日新和作詞林若寧合作《澀谷駅前等》，他超鍾意這首度身訂造的古風作品，「我想要首小調嘅歌，想兩首派台歌有啲關連，但唔想係兩部曲，就變咗《忘記趁早》個主人翁之後點樣成長，發生啲咩事，最終林若寧老師寫咗呢個講等待嘅故仔，好悽美好浪漫，有好多想像空間。」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

興奮兩奪新人獎

推出《忘記趁早》時，Felix已開到口好想下首歌到韓國或日本取景，《澀谷駅前等》終可如願，原來這個安排並非計劃之內，「我有個節目hold咗期飛唔到，諗過用動畫又趕唔切，唯有喺香港拍，好似電影《幻愛》咁，拍到香港好似日本咁靚。」

結果節目延期拍，經理人即安排他快閃日本兩日1夜，「因為落機出到巿區都11點，為爭取多啲日光，一落機即拍，我上機前唔敢瞓覺，驚會水腫，我仲化埋妝上機，連眼鏡都唔敢戴怕整花個妝呀！」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

講到在兩個頒獎禮都能得到夢寐以求的新人獎，Felix解釋因為對一班幫助過他的人無以為報，獎項是最好的回報。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

「由第1首歌開始，真係有好多人幫過我，唔係咁熟嘅工作人員，或者好耐冇聯絡嘅朋友，都主動出手幫我聯絡，宣傳嘅同事更加落力，好想攞呢個獎多謝佢哋，佢哋咁畀心機幫我係成功咗、得咗。」

得獎令他對未來製作歌曲更有信心，又笑言希望MV可去到更遠的歐洲拍攝。