臨時劫案｜胡定欣梁仲恆ANSONBEAN謝票 曾比特肌肉急性發炎撐拐杖現身

由郭富城﹑林家棟和任賢齊（小齊）主演的賀歲電影《臨時劫案》，昨日（9日）正式上映，導演麥啟光聯同胡定欣、梁仲恆、曾比特、符家浚、陳毅燊（ANSONBEAN）及王頌茵（Kathy仔），趁上映首天跑到尖沙咀、旺角等5間戲院謝票，與觀眾及粉絲見面。

不少觀眾於上映首天入場支持《臨》，有觀眾還戴上假哨牙支持，與郭富城角色造型相映成趣，亦有觀眾表示已購買逾3場戲飛，實行一看再看。

胡定欣在謝票時笑言自己是「定欣仔」，與在場的Kathy仔拉近距離。定欣表示被在場觀眾熱情反應所感動，首次拍賀歲片的定欣說：「對我來說意義重大，第一次年三十晚謝票，感覺好特別，今（昨）日有5場謝票場，有人買足5場飛支持。」

Kathy仔及符家浚則被觀眾邀請獻唱，有觀眾提到定欣亦是歌手出身，當然眾人未有準備獻唱歌曲，梁仲恆則分享：「好欣賞幾位影帝拍開槍戲都可以練到唔眨眼，好厲害，學到很多。」

曾比特撐拐杖現身，他表示日前因肌肉急性發炎，暫時要食止痛藥忍痛，他說：「日前痛得不能動，最後去醫院打止痛消炎針，之後勉強行到幾步路。」眾演員亦關心曾比特傷勢。ANSONBEAN分享拍攝時與曾比特有一場於泳池除衫戲，他表示最終應該被剪掉，他說：「但曾比特好弗，有腹肌。」

臨時劫案︱曾比特負傷撐拐杖謝票　遇熱情女粉絲：坐你大髀得唔得

香港賀歲喜劇《臨時劫案》大年三十正式上映，電影由郭富城、林家棟、任賢齊及張可頤領銜主演，昨天胡定欣、梁仲恆、曾比特、符家浚、Ansonbean陳毅燊及Kathy仔王頌茵在上映日，到戲院連跑五場謝票，與觀眾粉絲們見面。

就算大年三十，亦有不少支持《臨時劫案》的觀眾搶先於上映日入場，甚至有觀眾購買超過三場的戲飛，力撐《臨時劫案》上映！

主演《臨時劫案》的曾比特（Mike）入場謝票期間，因為傷患而坐在觀眾席與到場粉絲合照，Ansonbean期間笑指：「我坐你大髀得啦！」

現場亦有女粉絲熱情表示：「我坐你大髀得唔得？」令戲院觀眾非常興奮，直至離場時，該位熱情女粉絲仍關心曾比特的狀況，高呼：「小心啲呀Mike Mike！」可見曾比特人氣極旺！

曾比特與Ansonbean於謝票前接受訪問，現場見曾比特撐拐杖現身，首先關心Mike的身體狀況，他表示：「我肌肉急性發炎，有一日突然間郁唔到，就有啲驚、嚇到成屋都好驚！最後去左醫院，醫生幫我打左枝止痛消炎針之後，就叫做行到幾步路，但系要扶住。」他表示發炎位置為後腰肌肉，與運動創傷無關。

曾比特與Ansonbean一邊受訪一邊吃爆谷，更笑言：「中醫嘅講法系唔好食啲『發』嘅食物，包括芋頭、糯米；西醫就冇話要戒口，但系兩邊都冇話要戒爆谷，所以我系可以食嘅！」

年三十晚仍出席謝票，Ansonbean表示昨日已回家吃團年飯：「今晚會返屋企住，之後會再去探公公婆婆、爺爺麻麻！」他表示搬出來自住後，新年必然要花時間回家陪父母。

談到拍攝《臨時劫案》期間的趣事，曾比特笑指：「我記得有一幕喺泳池，為左嗰一幕除衫，但系好似Cut左！我的（拍攝前）一齊喺更衣室做仰臥起坐！」Ansonbean表示：「佢嗰時好fit㗎！有腹肌！」

Mike則笑指：「而家冇喇！要跟Ansonbean操下！」至於刪剪片段會否成為新年票房福利，曾比特笑指：「導演喺唔喺到？我陣間跪喺到求下導演先！」Ansonbean：「畀我的赤裸一下！」Mike也同意表示：「唔好嘥左啲露肉嘅鏡頭！」