何依婷龍年展望:今年勝舊年 升呢人妻 學習辦年貨

2024-02-19

何依婷龍年展望:今年勝舊年 升呢人妻 學習辦年貨

何依婷(Regina)去年的事業上有重大突破,憑台慶劇《新聞女王》人氣急升,同時她亦進入人生另一階段,與圈外男友結婚。踏入龍年,她希望「今年勝舊年」。文:鄺芷瑩 圖:鄧國良

踏入龍年前,成為「林太」的Regina,專誠去購買蘭花及賀年裝飾品準備布置家居,迎接農曆年來臨。

Regina坦言去年好開心,有很多收穫,是豐收的一年,「收到劇本(《新聞女王》)同監製傾故仔時,佢話佘詩曼就係你師傅,我好驚喜又開心,無諗過可以同佢一齊合作。

呢套劇拍攝時已經覺得很好,阿佘返嚟都知收視會好,部劇出街後唔止香港收視好,甚至乎內地的收視都唔錯,自己在內地社交媒體的粉絲留言唔係得廣東省,係有北京、上海、天津、黑龍江唔同地方的人睇廣東話劇集,真係無諗過去到咁遠。」

Regina認為去年最大得著是從佘詩曼身上學習,「在阿佘身上真係睇到做演員應該係點?好幸運遇到佢!我請教過佢喊戲點樣,都講過自己好擔心演喊戲好驚喊唔到,反而佢叫我唔好擔心喊唔出,就話有時人傷心唔一定要喊,最緊要投入情緒,要專注在自己身上。

本身都鍾意睇她的戲,但同阿佘合作後,會當她是超級偶像,是自己目標,唔止事業上目標,佢人生同工作態度都好值得去學習,係一個特別隨性、知道自己想要乜又努力競爭的人。」

老公全力支持

去年成為人妻的Regina笑言沒有太大改變,由於跟老公大學時已認識是很好的朋友,所以婚後也會一起去旅行、滑雪,對方在在事業上亦給予她很大自由度,「佢都會覺得唔應該為了婚姻而放棄自己事業,我亦都係一樣諗法,會繼續努力工作。《新聞女王》會有一些錫戲或床戲,雖然老公有少少介意,最後都好支持,因為劇本很好,亦好鼓勵我繼續去拍劇。」

今年是Regina以「林太」身份辦年貨,她笑言要買揮春、全盒以及為家居物品棄舊換新,仍然學習當中,就算買錯老公都會叫她下年再買過。

「工作關係,今年農曆年放得幾日,所以同老公講之後再去滑雪。」

談到可有計劃生B,何依婷表示沒有特別計劃,覺得生小孩是天賜的禮物,所以會隨緣,現在會以工作為先,不會刻意強求。

對於新—年龍年展望,Regina坦言希望將去年所學的東西能夠學以致用,在演戲上亦挑戰到自己,將來的演藝作品有突破,今年會勝過去年的自己。


相关文章

  • 泰臣邀劉松仁出山!任舞台劇顧問
  • 林峯即場教「玩櫈」 鄧麗欣做擺設 張繼聰短訊問候姜濤約打波
  • 姚子羚大方講徐偉棟!陳展鵬爆囡囡有表演慾已秘密訓練
  • Babyface告白梁敏巧失敗!獨家爆暗角攬錫索女
  • 燃炸了!新加坡刀馬旦全新演繹《花木蘭》,兒童劇75折最後機會~
  • 執法者們|宣萱唔滿意自己表現 請教撈家演技 Bosco親蔡潔芳澤
  • 楊千嬅唔阻止兒子入行!見證星二代出道添感觸
  • 蕭正楠黃翠如為兒子舉行百日宴 雙視帝視後現身到賀
  • 爆肌男星曾遇襲曝光細節!TVB視後20億闊太夢碎仍富貴