「拜金港姐」蔡嘉欣大隻細佬顏值高 唔似黃建東竟撞樣富貴姊夫？

被封「拜金港姐」的2019年港姐五強蔡嘉欣（Kayan）家中三姊弟排中間，曾任職空姐的胞姊Nicole憑著一副驕人身材引起外界關注，兩姊妹不時於社交平台大曬索爆合照，更拍住上為自家美容及服裝店做「生招牌」，但卻甚少提及細佬David，至（23日）蔡嘉欣終於公開三姊弟合體照。

蔡嘉欣上月與圈中好友飛赴北海道滑雪玩上癮，近日她帶埋爸爸、大家姐Nicole和細佬David到廣州一間室內滑雪場上堂，其間成功上手Carving（刻滑）大感興奮。

今日她於IG Story留言：「今次特登過嚟學Carving堂，學咗基本先，然後聽朝早機北海道，之後慢慢練。」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

蔡嘉欣一家老幼學滑雪

已有滑雪經驗的蔡嘉欣又化身「小助教」，親授初學的蔡爸爸與蔡姊弟滑學技巧，她說：「So busy今日小欣負責教家姐、細佬，教到我出曬汗，但見到佢哋能夠成功解鎖，連續換刃！叻啦！」

又貼出偷影爸爸雪場自拍的照片，她大讚：「我老竇就快70歲…佢跟我滑雪，佢今日初學，畀個叻佢。」

蔡嘉欣亦罕有貼出三姊弟合照，令細佬David正面曝光！相中所見，David比報稱174cm的蔡嘉欣高大半個頭，估計超過180cm，蔡嘉欣曾經被指與黃建東撞樣，二人因而搞笑互稱「失散兄妹」，不過David卻一點也不似黃建東，反而似富貴姊夫Derek和楊千嬅老公丁子高的混合體，同樣青靚白淨眼細細！

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

蔡嘉欣借10萬細佬買車

翻查David的社交網帳號，他曾就讀香港城市大學，是校隊籃球員亦曾參加C-League籃球聯賽。

與蔡嘉欣一樣熱愛運動，更由兒時小肥仔脫胎換骨變肌男，外型殺食，惜已「封盤」有一個索女友。

此外，蔡嘉欣曾於節目《代溝關注組》中透露，試過借10萬給弟弟買車：「因為佢太細個，問銀行借唔到錢，咁我就做小銀行，佢每個月還番畀我，佢係攞架車嚟做生財工具，所以我撐佢，唔係攞嚟威，係做Driver（司機）。」認真豪爽！