中年好聲音2｜三甲賽果惹爭議 網民嗌做馬 戥黃劍文唔抵

《中年好聲音2登峯之戰》的所有賽果昨晚（24日）塵埃落定，古淖文奪冠﹑譚輝智和顏米羔分膺亞季，賽前大熱之一的黃劍文三甲不入。

不少網民及觀眾對賽果有爭議，有網民稱黃劍文遭「打壓」，並替他感不值：「只有劍文可衝擊到古（古淖文）﹑譚（譚輝智）﹑顏（顏米羔）﹑安（安雅希）四位指定愛將﹗在被打壓及豬隊友拖累下，仍取到一次MVP及殿軍，呢個遇逆越強的精神，真心佩服，劍文堅持不會白費，你有的聲﹑色﹑藝，可塑性大家有目共睹，贏了一大批支持者，等你發光發亮﹗」﹑

「從day one開始，我都講造馬㗎喇...點解劍文3甲不入？造馬造到離曬大譜﹗」﹑「To：劍文，寧願你拎唔到啲人替你唔抵，好過贏咗啲人覺得你唔值。」﹑「《三天兩夜》的感情發揮及難度，根本在心仍是冷及寂寞的男人之上，決賽一開始就打壓劍文，評判們欠劍文一個公允」。

同時也有網民評論楊千嬅擔任評審表現：「睇到差唔多完場，楊千嬅每次評語都係讚參賽者做自己，講如無講咁」不過亦有網民力撐古淖文及譚輝智：「輝智確是頂尖靚聲，聲底質厚動聽，颱風稍欠星味，但中年好聲音靚聲才更重要﹗淖文歌藝颱風出眾，雖妖但不邪﹗唱跳皆優﹗歌路廣闊。」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

中年好聲音2｜黃劍文賽前病足1個月 滿意比賽表現 跟安雅希已簽約TVB

黃劍文與安雅希昨晚（24日）在《中年好聲音2登峯之戰》，未能打入3甲，兩人均表示滿意自己比賽表現。奪得第4名的黃劍文仍有少許聲沙，原來賽前他已病了1個月，加上又要練聲，已盡最大努力治療，包括服藥、戒口、食得清淡和試針灸，更感激一班戰友的關心和照顧，感覺好有愛。

黃劍文開心獲家人及朋友同來支持，更能成為家人心目中的第一已足夠。他的多年好友台灣歌手張芸京專誠來港撐場，2人深厚交情。

原來有曾經歷人生低潮，他說：「當年張芸京有段時間感迷失和不開心，我便飛去台灣陪她通宵傾偈走過低谷，10多年大家互相鼓勵，今次特登飛來撐我。」

安雅希表示大家是team work感情似家人，見他們獲獎都感動得在後台喊。她說：「名次只是數字，日後條路行得遠和行得耐才最重要。」

他們已簽約TVB，安雅希盼望成為歌手，曾有拍微電影和短劇經驗的黃劍文，就想向戲劇方面作嘗試。