炎明熹唔認彈弓手Unlike點讚Kakit

吁網民助截圖問IT 大學生活因一事好尷尬

炎明熹（Gigi）之前現身電台宣傳新歌《透光者》及演唱會，雖然工作學業兩邊忙，但因獲朋友支持仍然可以應付；而對於被指彈弓手Unlike Kakit帖文，Gigi搞笑說：「大家如有發現記得Cap圖給我，我會去問IT部，可能系統有問題！」

門外早已有半百粉絲守候Gigi，她跟粉絲有講有笑，更與眾人大合照。其後她接受《星島頭條》訪問，被問到演唱會銷售情況。

Gigi表示：「其實我冇太留意，但我收到可以再加場嘅時候，就知道睇嚟都OK喎。其實都有少少壓力，希望可以盡能力去表演，希望自己嗰三日狀態OK啦。」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

工作學業兩邊兼顧

去年正式投入大學生活，Gigi表示學業事業兩邊儘量平衡，「有時大學朝早返學，下晝冇堂就會去工作，又或者上午工作完，下晝去上堂，通常來也匆匆去也匆匆，大家都未必會見到我嘅身影。

有時同學都認唔到我，有啲尷尬。暫時都兼顧到，當我自己覺得好似就嚟做唔到時候，竟然畀我化解到，同埋身邊好多朋友幫緊我，所以我會帶住佢哋嘅力量去做好佢。」

早前Gigi斬釘截鐵否認與《全民造星V》出身鄧家傑（Kakit）的緋聞。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

Gigi表示：「其實我就覺得冇乜嘢，所以有朋友問到我，我都會講。通常我比較內向，唔會同大家有過多嘅交流，我嘅經理人就話你應該識多啲朋友，但我就因為太尷尬同怕丑，冇同佢哋講嘢，但就有點頭，之後我哋再冇交集，然後我就發現佢關注咗我嘅社交媒體，咁我都關注返佢，有時見到post，我都會點嚇讚。」

疑電腦系統問題致

對於被指彈弓手急急撤回對Kakit帖文讚好，Gigi續指：「我好想喺度講，大家如果見到我有unlike嘅情況，就麻煩cap圖畀我睇，因為我真係會去問下IT部嘅同事或朋友，我覺得可能有好多因素都會出現unlike，可能個系統出咗問題。」

她坦言沒有被緋聞影響心情，更表示覺得搞笑，是大家的誤解。