梁小冰相隔26年再拍TVB剧！为《逆天2》角色激减16磅

梁小冰相隔26年再拍无线剧 为《逆天2》角色激减16磅

梁小冰相隔26年再拍无线剧，她在昨晚（16日）播出的新一集《逆天奇案2》登场，剧情讲述升职在即的莫Sir（李国麟饰）带队执行任务期间，在庙街重遇变得落泊又苍老的“旧情人”阿兰（梁小冰饰）。原来莫Sir当年曾担任卧底，并于潜伏期间认识黑帮头目侯世秋（彭廸安饰）妹妹侯淑娟，不自禁对淑娟情愫暗生。

之后莫Sir因受上司威逼，无奈下利用淑娟对自己的感情套取情报，成功瓦解黑帮，却同时毁了淑娟一生。自暴自弃的淑娟最终因犯事在外地坐了30年牢狱，出狱后改名阿兰并于庙街摆档，却受到其他档主及黑帮欺凌。原本已万分自责的莫Sir见状更觉心痛，遂乔装前往与阿娟见面，可惜却搞出另一大头佛。

小冰在剧中饰演的阿兰因历尽不幸，令样子看上去比真实年纪大，40多岁已满头白发、满面皱纹，比起现实中已年届54的小冰样子更要老。小冰称答应监制邀请，因角色难度高。

她说：“唔经唔觉都主演咗50几部作品，作为演员梗系想所有角色都演吓，呢个角色好有挑战性，大家都会谂我会演CEO、高层呢啲角色，呢个角色无论遭遇同造型都够晒估唔到。今次拍摄最开心系重遇多年老友，监制、导演、摄影师同造型师全部起码识咗30年，我觉得呢个团队超晒班！”

文章来源：TVB资讯台 W博：@香港TVB资讯台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

谈到化老妆过程，小冰笑言不足半小时便完成：“化靓妆就要个半锺，化丑妆只需半个钟，因为化妆师好犀利，佢哋摆咗半打工具喺台，一嚟就不停系咁喷，之后再逐条逐条将头发画白，最紧要系够大刀阔斧。

由于监制想尽量保密造型，所以我花咗唔少心力，好似我化咗妆后有好多演员要求合照，我都要谂好多原因去拒绝，因为唔想曝光个妆，造型一曝咗光就会令到观众冇晒惊喜。今次拍剧有唔少难忘事，喺庙街嗰度拍摄，因为又要搬嘢又盛，热到由头湿到落脚，同埋嗰度棵树啲雀屎不断跌落嚟！”

小冰透露开工前为角色减磅：“我2023年1月最高峰时体重系132磅，我本身都想减肥，点知家豪哥同志江打电话嚟邀请我，令我更有动力去减。拍摄嗰阵我减到116磅左右，我依家就已经减到104磅，简直系重生一样！Baby Fat襟老唔襟瘦，就算我瘦到成条藤咁，块面都系有啲肥，要去到参选时93磅嗰阵先会睇落系瘦。”