梁小冰相隔26年再拍TVB劇!為《逆天2》角色激減16磅

2024-04-18

梁小冰相隔26年再拍無線劇 為《逆天2》角色激減16磅

梁小冰相隔26年再拍無綫劇,她在昨晚(16日)播出的新一集《逆天奇案2》登場,劇情講述升職在即的莫Sir(李國麟飾)帶隊執行任務期間,在廟街重遇變得落泊又蒼老的「舊情人」阿蘭(梁小冰飾)。原來莫Sir當年曾擔任臥底,並於潛伏期間認識黑幫頭目侯世秋(彭廸安飾)妹妹侯淑娟,不自禁對淑娟情愫暗生。

之後莫Sir因受上司威逼,無奈下利用淑娟對自己的感情套取情報,成功瓦解黑幫,卻同時毀了淑娟一生。自暴自棄的淑娟最終因犯事在外地坐了30年牢獄,出獄後改名阿蘭並於廟街擺檔,卻受到其他檔主及黑幫欺凌。原本已萬分自責的莫Sir見狀更覺心痛,遂喬裝前往與阿娟見面,可惜卻搞出另一大頭佛。

小冰在劇中飾演的阿蘭因歷盡不幸,令樣子看上去比真實年紀大,40多歲已滿頭白髮、滿面皺紋,比起現實中已年屆54的小冰樣子更要老。小冰稱答應監製邀請,因角色難度高。

她說:「唔經唔覺都主演咗50幾部作品,作為演員梗係想所有角色都演嚇,呢個角色好有挑戰性,大家都會諗我會演CEO、高層呢啲角色,呢個角色無論遭遇同造型都夠曬估唔到。今次拍攝最開心係重遇多年老友,監製、導演、攝影師同造型師全部起碼識咗30年,我覺得呢個團隊超曬班!」

文章來源:TVB資訊台 W博:@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

談到化老妝過程,小冰笑言不足半小時便完成:「化靚妝就要個半鍾,化丑妝只需半個鐘,因為化妝師好犀利,佢哋擺咗半打工具喺檯,一嚟就不停係咁噴,之後再逐條逐條將頭髮畫白,最緊要係夠大刀闊斧。

由於監製想儘量保密造型,所以我花咗唔少心力,好似我化咗妝後有好多演員要求合照,我都要諗好多原因去拒絕,因為唔想曝光個妝,造型一曝咗光就會令到觀眾冇曬驚喜。今次拍劇有唔少難忘事,喺廟街嗰度拍攝,因為又要搬嘢又盛,熱到由頭濕到落腳,同埋嗰度棵樹啲雀屎不斷跌落嚟!」

小冰透露開工前為角色減磅:「我2023年1月最高峰時體重係132磅,我本身都想減肥,點知家豪哥同志江打電話嚟邀請我,令我更有動力去減。拍攝嗰陣我減到116磅左右,我依家就已經減到104磅,簡直係重生一樣!Baby Fat襟老唔襟瘦,就算我瘦到成條藤咁,塊面都係有啲肥,要去到參選時93磅嗰陣先會睇落係瘦。」


相关文章

  • 余香凝罕談舊愛陳家樂!遭質疑未夠班奪影后:不以惡還惡
  • 黎芷珊首當節目監製自創雙贏局面︰以最低成本做最好最多
  • 丁子朗勁期待同龔嘉欣譜「姐弟戀」 突然笑到抽搐究竟講緊咩?
  • 孫慧雪任美胸代言人!鄭子誠拍廣告一人分飾多角
  • 林保怡相隔13年再拍無線劇!與TVB最索人妻談情
  • 繼承者|佘峯CP海灘吻戲率先看 林峯第3度公主抱阿佘
  • TVB小花宣布分手!富二代男友去年宣告破產
  • 方力申同陳曉華舊緋聞再被翻炒感不滿:好驚女友屋企人誤會
  • 方力申同陳曉華舊緋聞再被翻炒感不滿:好驚女友屋企人誤會
  • 林保怡相隔13年再拍無線劇!與TVB最索人妻談情
  • 姜大衛李琳琳慶50周年金婚!囝囝女婿圈中好友齊到賀
  • 繼承者|佘峯CP海灘吻戲率先看 林峯第3度公主抱阿佘