周励淇4岁囝囝冧功超劲：公开教仔秘笈学做人紧要过识字

Morris更遗传了父母的演戏细胞，“佢好drama㗎！一秒钟爆喊，一秒钟嘻嘻笑，唔做戏嘥晒。”听到妈咪要外出，Morris更会狂讲甜言蜜语妈咪留低，“佢会话‘你唔好去啦！你陪吓我啦！你去边啫！你唔好返工啦！’我话我唔返工你养我呀？佢又话‘我养你啰！我都可以去返工，等我大个啲，食多啲饭就可以养你’。”（其实几冧㗎？）系㗎！但系讲之嘛！哈哈！我即刻好理性咁话‘等你大个啲先啦’。”

5月18日是Morris生日，因跟母亲节相近，每年都会一齐庆祝，Niki更趁机教囝囝要锡妈咪多啲，“同佢讲‘你生日其实都关妈妈事，因为喺我个肚攞你出嚟’我有畀佢睇个疤，佢知道会好心痛，会问我‘你痛唔痛㗎？我帮你呵呵佢啦！’我话‘所以你要乖啲啰！你生日都系我好痛慨日子，所以都要同我庆祝㗎！’后尾佢就话‘好啦！我同你一齐切蛋糕啦！”

Morris要求今年生日会再以英雄人物为主题，不过原来他从未睇过相关电影，“Marvel系列嗰啲英雄佢全部都钟意，但佢未睇过，全部都系我讲畀佢听，佢钟意睇书，未畀佢睇戏同平板电脑，电视睇指定儿童节目，每日半个钟，佢好珍惜嗰半个钟，但系我知唔可以维持好耐，做得几多得几多啰！”