54岁前TVB花旦复出拍港剧！自揭尘封秘密当年为梁朝伟选美

54岁梁小冰晒命式公开结婚24年保甜秘诀 自揭尘封秘密当年为梁朝伟选美

54岁的梁小冰跟老公陈嘉辉齐拍TVB热播剧《逆天奇案2》，演活坐监30年的落泊老妇角色。时隔26年重返娘家，梁小冰自揭收埋心底多年的小秘密，包括因为梁朝伟才加入TVB，虽然之后无缘合作，好彩仲有古天乐、郭富城、郑伊健等当扎小生填补空虚，她更非常回味当年可以任摸白面古仔。

郭晋安及欧倩怡昨日宣布结束18年婚姻，而小冰跟陈嘉辉结婚24年依然甜蜜，靓太更公开婚姻保甜秘诀，陈生把口甜得可怕。采访：方骞平 摄影：谭志光

1990年港姐季军梁小冰曾是当家花旦，7年间演过《血玺金刀》、《鹿鼎记》等32部经典古装剧，被封“古装皇后”，至1997年约满转往内地发展。

今次重返TVB除因相识30年的幕后团队外，还因角色跟真人性格反差好大，好有挑战性。

懒凑仔有老公顶住

不论戏里戏外，小冰都大赞结婚24年的老公，是将她由地狱带进天堂的白马王子，“今次拍剧有佢无微不至咁照顾，婚后由管家、凑仔、到管教全部系佢，我只系负责煮饭…煲剧起唔到身凑仔返学，哈！唔好意思啰，而且自己好瞓得，起身后咪侧侧膊，同佢讲要买𩠌煮饭，佢又OK㖞。”

小冰唔停口赞老公：“佢瞓醒就赞‘老婆你今日真系好靓’，又会从后揽住我话‘老婆你好Fit，点解条腰咁瘦慨？’”

感动出山冇被嫌老

对于重出江湖好评如潮，小冰感动到眼有泪光：“睇观众留言‘挂住我’、‘赞我好戏’、‘仲话睇唔够，想睇我多啲拍戏。’嗰种甜，睇见都标眼泪，我都快60岁喇，原来佢哋睇住我长大，冇嫌我老及肥…”小冰更拍心口承诺，如果观众想睇，会拍多啲TVB剧：“李司棋、黄淑仪40几岁就演妈妈角色，自己都唔介意演，大家尽情揾我啦。”

翻Hit的小冰想当年，她自爆一件憾事：“20岁时一鼓作气著泳衣参选港姐，口话想做演员，其实系想同梁朝伟一齐拍剧，因为五虎将红到爆，但我1990年入到去，伟仔啱啱走咗喇，呢种擦身而过慨感觉，家都饮恨紧，始终佢现时级数同以前差天共地，唔易接触到。”但小冰唔死心，继续力Sell自己：“不过，现阶段我慨成熟度，系拍到梁朝伟及周润发。”

未完待续,请点击[下一页]继续阅读