香港婚后事｜单立文胡蓓蔚相爱28年 分享爱情保鲜法

香港婚后事｜单立文胡蓓蔚相爱28年 分享爱情保鲜法 豹哥唔后悔拍三级片

《香港婚后事》今晚（9日）播出第5集，嘉宾是圈中恩爱夫妻单立文（豹哥）和胡蓓蔚（豹嫂），两夫妇在节目中不时互窒，甜蜜互动尽显默契，豹哥大骚幽默本色答非所问，激到一班主持扎扎跳。

相爱28年的豹哥、豹嫂恩爱如昔，身为“单身狗”的罗天宇，请教爱情保鲜法，豹哥谈婚姻哲理：“婚姻系两个人三唔识七喺埋一齐，之后产生一种化学作用叫爱情，之后到你Commit要照顾一生一世，讲就易啰，当你途中遇到咁多嘢嗰阵，你个心会唔会动摇？会唔会想放弃？你要重拾正轨去巩固番个婚姻，系好艰难，一段婚姻共富贵系好容易，共患难就唔容易。”

豹嫂指最近因一事令她有新领悟：“最近我激亲我老公，激到佢睇医生，原本系好小事，但大家喺度互顶，佢话：‘你收声！’我话：‘我好冷静，你有咩资格叫我收声，我做咩要收声，我依家叫你收声！’之后佢个胃就唔舒服，个肚好多气，跟住佢去睇医生，食咗2个月胃药。”豹哥笑言：“佢家好似轻描淡写，但当刻系好挑衅！”豹嫂自认性格比较直和倔，经此一役后，学懂对老公要温柔。

豹哥、豹嫂拍拖12年后，才走进婚姻殿堂，问到他们当时为何想结婚？豹嫂坦言：“系我同佢讲结婚慨，当时好多朋友都系做艺术方面工作，佢哋话结婚生仔冇可能，点知一讲完佢哋就结咗婚，之后再生咗两个小朋友。之后我去探我朋友，佢好语重心长同我讲，你哋都要谂谂系咪要结婚，之后我返到屋企，我就话边个话我哋系咪要结婚呢，佢听完之后就话好呀。”

豹哥则认为：“我觉得结婚唔系大不了慨事，签一张纸就代表你一生一世爱呢个人咩？唔系吖嘛，呢个形式系做畀啲老人家睇，或者系做畀朋友睇，系一场大龙凤嚟。”谈到婆媳关系，豹嫂大赞奶奶开明，从不给她压力。

讲到豹哥，不得不提他的外号“西门庆专业户”，豹哥分享拍三级片的过去：“蔡澜当初签咗我3部（电影），佢话第一套冇嘢㗎，系个书生喺度打啲妖咁。”豹哥坦言没后悔过拍爱情动作片：“如果你应承要做，你就要努力做好佢。”豹哥抛下一句：“都系历史人物啫，冇咩大不了！”