神耆小子｜吳子沖半裸爬窗走佬 做「除衫擔當」冇啖好食

TVB劇《神耆小子》昨晚（23日）播出一集，其中一個焦點，非飾演Jack的吳子沖莫屬。劇情講到小鮮肉Jack在打風期間上玫瑰（樊亦敏飾）屋企陪她，此時大海突然回家，嚇到Jack爬窗落荒而逃。半裸上陣拍攝這場走佬戲的子沖，除了爆肌身材吸睛，狼狽走佬的樣子亦搞笑。

講到爬窗走佬戲，子沖透露前後拍了4天，他說：「拍嘅時候系夏天，拍外景淋雨戲冇問題，但拍廠嘅時候就好凍，一邊淋水再加冷氣，雖然同事準備左大量毛巾保暖，但我唔想拍每個shot都要抹身，又要淋番濕個身咁多步驟麻煩到同事，情願Cut機後原地跳做運動保暖。」

子沖指動作戲不算太難，只是基本攀爬動作，又謂難忘幕後同事的「特別」照顧：「拍外景嘅時候，幕後同事玩水玩得好開心，為左想我演繹出難堪嘅感覺，佢的keep住射我塊面，佢的見我愈難堪，佢的就愈開心，因為中左！」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

身為劇中「除衫擔當」的子沖， 笑言角色最大難度就是保持身形：「除左要除衫，角色設定上都系高大有肌肉陽光男孩，但冇乜時間做準備，我羊招都攞曬出嚟，揀左『168斷食』再加高蛋白質Diet，再日日做Gym！」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

提到與樊亦敏有不少對手戲，子沖笑言：「好似多左個家姐咁，佢好照顧我，除左成日請食宵夜外，仲成日同我研究劇本。雖然今次系第一次同佢合作，但覺得佢系溫文爾雅、好識得照顧人嘅好前輩！」