TVB小花晒最新孕照！上围“升Cup”劲丰满

何雁诗晒最新孕照上围“升Cup”劲丰满

艺人何雁诗与老公郑俊弘早前宣布造人成功，仲率先公布BB性别系男仔，当时佢哋都有晒最新合照，见何雁诗虽然已经见肚，但因为松身衫关系，孕肚未算太明显。

呢日佢就喺社交网晒出最新孕照，见着上贴身衫慨佢腹大便便，而且上围明显“升Cup”，相当丰满，但块面就未见水肿，依然Keep住靓样。

佢又晒出BB慨超声波照，并以“小鸡髀”称呼BB：“望住照超声波见到嗰只鸡髀，畀啲信心自己，有时只鸡髀又会脚踢踢，又会安心啲，知道佢喺入面Ok。喺屋企花啲me time照顾自己，写吓歌，浸吓浴，敷吓Mask，又有啲二人世界，因为迟啲就要争取先有。煮吓饭，一齐睇吓电视，好好享受一下，希望一切顺利。”

吴若希野生捕获陶大宇网友重点系佢块面？

艺人陶大宇因为“宇宙级”唱腔成网络红人，一首《倒转地球》更加系令佢引爆大石头，升价十倍。估唔到已为人母慨歌手吴若希（Jinny）寻日（20日）就成功捕获陶大宇。

晒出合照：“What a miracle day！十年唔出街，一出街食个Tea就撞到大宇哥，好想同佢一齐唱《倒转地球》！”

虽然相中慨陶大宇望落鬼咁醒神，不过网民今次反而就将重点落喺Jinny身上！

因为啲相加晒“味精”，唔少人就嫌张相有啲失真，尤其Jinny个靓样同昔日有啲出入，网民更直问：“点解你唔同咗样慨？”

有人指出相中Jinny拣Filter重手咗，加上妆容同发型问题，令佢五官同平时唔同，苹果肌突出，睇嚟佢下次加Filter都要小心啲喇。