61岁男星激瘦40磅！颈筋暴现传恶疾缠身，他首次回应亲揭身体状况

2024-07-11 于晏 8546

61岁武打演员钱小豪月前流出跟内地影迷唱K聚会片段，因为身形暴瘦，惹来生cancer及患上严重糖尿恶疾揣测，瘦到头大身细的小豪哥接受《头条日报》独家访问，拆解罹患重病传闻。

小豪哥对被臭口网民直指患重病完全冇激气，“啲网民为刷存在感乱咁噏，我又有型又几man呀！有少少皱纹好正常。”

他坦言目前食得清淡外，连色都戒埋，“(同太太丘倩鸣)冇性生活好耐啦！”采访：方骞平摄影：朱伟彦场地：封神文化

钱小豪曾演过《大头绿衣斗僵尸》、《僵尸先生》等作品红极一时，近年主力在内地拍网上电影，吸纳到新一批fans，不时在社交网互动，甚至搞fan club聚会。早前流出小豪哥的影迷见面会片段，暴瘦苍老状态吓亲唔少人，大量网民留言作出关心，甚至直指他身体有问题。

中两次Covid致暴瘦

为怕病重揣测越传越失控，钱小豪接受《头条日报》访问亲述最新健康状况。访问当天气温高达30几度，小豪哥仍穿长袖衫现身，但仍遮掩不到瘦削身躯，加上头大身细，颈筋暴现，状态的确令人担心。

身高5呎7吋的小豪哥坦言目前体重唔够140磅，较最高峰时跌咗40磅，加上腰患复发，当日行路似足机器人，令人心痛。

小豪哥表现无奈，自言搞成咁要从疫情开始讲起：“中过两次COVID-19，去上海拍戏要入住隔离酒店，第一次被隔离乜都唔知，原来与世隔絶，唔可以送餐入嚟，我朝朝食好难食慨冻馒头及鸡蛋，20几日后胃口收细，到家仍然冇乜胃口食嘢，每日只系食晚餐，食几嚿肉就食唔落，平日食得检点唔会食煎炸嘢，都系饮汤食汤渣为主，唯一最爱食云吞面，但只系贵精不贵多，食碗‘细蓉’就够，我都想揾增肥方法。”

曾做大检肠有瘜肉

提到健康状况，小豪哥表示算ok，小毛病实有：“‘3高’中，胆固醇高咗少少；血压由50岁开始偏高要食药，但成日唔记得食；血糖正常，我一直冇糖尿病，更加唔系传闻中糖尿病失控，传闻吓到我阿妈打电话嚟话‘见你有病，有乜煲畀你饮好？’”

他强调60岁前为咗买医疗保险曾做过大检，报告显示大肠有两粒瘜肉、胃有幽门螺旋菌、肺有少少花及轻微青光眼。月前再做肝胆胰、肾、心脏、甲状腺检查，全部正常。

估计被误会生癌因为剃头累事：“几个月前发型师发觉我头皮有两挞唔寻常慨黑斑，要剃光头抽组织化验，结果虚惊一场。大家见我瘦咗咁多，又剃光头惹疑云。唉！家啲网民为刷存在感乱咁噏，由得佢哋无聊啦，冇乜好激气，我仍有型又几man呀！有少少皱纹好正常，够自然，又唔系咩老态，啲人评论瘦又话瘦；肥就话唔长进做终极大叔，所以唔理得咁多，做人最紧要开心，瘦咗轻松啲。”