前J2主持文頌男離世 終年29歲 遺言：感激各界一直關心

前J2台主持文頌男（Koba）去年10月患上罕見癌症「尤文氏肉瘤」後全面停工接受治療，經過大半年治療病情一度好轉，惟早前發現腫瘤擴散，大半身癱瘓。他早前表示情況不樂觀，正步向生命的盡頭。

今晚10時文頌男的Instagram發出預先撰寫的長文，宣布他已離世的噩耗：「好抱歉，喺呢度要同大家講一啲好沉重嘅事。當大家睇到呢一篇文章嘅時候，我已經離開咗人世。

呢幾個星期以嚟，我一直努力接受自己身體上嘅變化。呢段時間，我選擇咗唔對外透露自己嘅病情，亦冇同任何傳媒交代，因為我未有勇氣去接受呢啲變化。其實，早喺2024年6月22號，我就因為下半身完全癱瘓、完全郁唔到、冇任何知覺而入院。呢個情況亦令我排唔到尿，所以當時要緊急送入醫院。自從入院以嚟，到我撰文呢一刻（2024年7月10號），已經接近三個星期。

唔好講病情冇好轉，反而越嚟越差。胸口以下仍然係完全冇知覺，完全控制唔到排泄功能，需要換尿片同埋插尿喉。癌細胞已經擴散去好多唔同嘅位置，例如胸、肺、多個脊椎、淋巴，甚至有啲腫瘤我可以喺外部摸到。有知覺嘅地方都感覺24小時都好痛，例如肩胛骨、頸椎、頭皮。我仲有氣促，心跳長期偏快，依家要吸氧。每朝早都會有發燒嘅感覺，不過量體溫就量唔出發燒，而且仲會覺得好凍，但就出曬汗，身邊嘅人感覺我發緊熱。

醫院已經開咗好多唔同嘅藥畀我，不停調整劑量，雖然有抑制到大部分症狀，但仍然都係好辛苦、好唔舒服。醫生同我商量過，再做康復治療都冇作用，只能夠做一啲舒緩性治療，見到有咩症狀就做相應治療抑制住佢，等我過得冇咁辛苦。

簡單嚟講，依家就係等緊死，純粹希望死得舒服啲。喺人生嘅最後一哩路，非常感謝親友同各界人士一直以嚟嘅支持同關心，呢段旅程有你哋陪伴，我感到無比幸運同感激。」據稱文頌男今日下午離世。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

吳兆麟收到文頌男離世消息心情沉重：事情來得突然

吳兆麟曾與因病離世的文頌男合作過主持J2節目《不正常愛情研究所》，他表示仍記得當時對方仍很健康和開心，他亦曾慰問對方病況及捐款幫助，首次經歷身邊朋友離世，昨晚（13日）收到消息也睡不著，心情沉重。

他說：「因他沒買保險，得不到更好治療，覺得好可惜，估不到事情來得這麽突然，希望對方家人儘快渡過這傷心時間，很慚愧沒有多點探望他，稍後會出席他的喪禮。」