TVB視後李佳芯（Ali）去年11月被發現同有「蟲草大王」美譽的陳恩德（Mark）酒店密會兩小時，之後佢又上對方名下七人車離開，即傳緋聞，惟當時Ali強調二人「一直只有生意上嘅合作來往」，點知今日（25日）再有消息指原來二人其實秘戀逾一年，更有多張聲稱系二人「拍拖」時嘅男友視角靚相流出！

消息指，Ali前年年尾尚未同前男友陳炳銓分手，但明知Mark對佢有意仍已展開曖昧關係，三角關係更維持咗一段時間。

後來Ali公開同陳炳銓分手，前年12月聖誕節，Ali亦現身Mark於九龍塘畢架山豪宅內嘅草地花園甜蜜合照，Mark更準備咗人造雪景凼Ali。

繼而Selfie，而Ali社交網亦喺兩個月後見到同一衣著及Background嘅落雪相。

一直到去年中，Ali以女友身份向Mark提出投資佢拍攝微電影，並向Mark索取約35萬元贊助費。

網上更流出一批Mark以「男友視角」拍攝Ali嘅靚相，Ali素顏上陣笑意盈盈食燒鵝髀，Mark又花盡心思設計「心」字圖案，並搵人鑲嵌一個鑽石心口針送畀Ali做訂情禮物。

Ali生日時又訂製粉藍色花花蛋糕，並派專人送到電視城，送畀工作中度過生日嘅女友。

東網就傳聞聯絡陳恩德，佢受訪時堅稱跟Ali是好朋友，感情事唔想回應。

至於心形鑽石扣針就系Ali舊年生日時送，只系想支持佢，用佢本書嘅「心」字做版。

對於二人「蜜」食燒鵝髀，他指只系好朋友食飯，普通事。問到有冇發展機會？他謂：「佢系好女仔，都想有（發展），但真系唔想講咁多，總之，要保護Ali。」

當問到為何合照流出？他謂：「我都了解中。」

對於Ali被指一腳踏兩船，其舊愛陳炳銓回覆東網：「不好意思，我對這些八卦新聞沒有回應。」

視後李佳芯（Ali）被爆與「蟲草大王」陳恩德（Mark）秘戀超過一年，對此Ali發聲明否認戀情，強調與Mark只是工作上的合作關係：「本人於2020年約8月中由同事介紹認識陳先生，因陳生計劃跟不同藝人合作發展一系列產品生意，而陳生與本人當時所洽談的為一項瘦身咖啡產品。第一次跟他及其員工見面是其位於其銅鑼灣的工作室，而經過幾次會談後因未能達到共識而沒有繼續洽談。」

她又詳細列出每次與Mark的見面內容，指全部都是圍繞工作，絕無私交：「其後陳生再次邀請本人參與其有關寵物計劃，當時得知他亦有跟多位公司藝人合作，惟當時本人飼養多年的貓咪離世不久，所以最後也沒有就該計劃有進一步合作。不久之後陳生亦有提出邀請本人參與慈善演唱嘉賓，惟經公司了解，加上本人未有足夠信心，所以計劃最終擱置。期間，本人的確有就以上計劃與陳生到過餐廳及其工作室會面，但僅此而已。」

她又再澄清去年11月被拍得「酒店密會」其實只是在酒店餐廳商討合作：「直到2021年尾，因微電影計劃再跟陳生在電話聯繫上，後於去年10月於酒店中菜廳商討電影細節。」

她表示在「酒店密會」消息爆出後，為免再惹誤會，已再沒有跟對方見面，並指：「本人由2020年認識陳生到現在，每次只限於工作洽談，從沒有發展過任何關係，今後亦不會有任何發展空間，在此釐清。」

對於Ali髮長文撇清關係，Mark無奈表示：「佢性格系咁㗎啦，好似鐵咁硬！可能佢系演藝人，有好多包袱，我就冇囉！（好朋友關係會改變？）我唔會，唔知佢喇。（你哋幾耐冇見？）舊年爆咗緋聞之後都少咗聯絡。」

另外，Mark旗下公司明日（26日）於尖沙咀舉行活動，Ali是嘉賓之一，但發通告時卻「消失」，Mark對此表示：「本來已經同TVB傾好，Ali系會嚟，但因為TVB一啲唔合理嘅要求，我話唔使佢嚟。（乜嘢唔合理嘅要求？）記者會先講啦。」