爆TVB不同意与李佳芯合照！陈恩德宣战：会暂停过千万广告

被爆与李佳芯（Ali）秘恋逾一年的“虫草大王”陈恩德，今午（26日）举行新宠物概念活动，邀得王丹妮夫妇、蔡洁、许廷铿、张天赋及戴祖仪等艺人撑场，而郑裕玲担任司仪。对于Ali原本亦在嘉宾之列，但陈恩德接获TVB开出“不合理条件”，临门一脚决定“放弃”Ali。

活动完结后陈恩德在律师及公司高层陪同下，解释“不合理条件”谓：“起初我问过Ali同佢经理人，佢哋话Ok咪请佢嚟啰。但昨日（25日）TVB话如果出席，今日佢唔可以同我影合照，即使大合照都要保持距离，我觉得咁样好唔尊重同合理啰。”

陈恩德表示接获这个讯息后，自己有私底下联络Ali：“我问系佢定TVB慨意思，起初佢冇覆我，后来有覆，但私底下慨嘢唔公开啦，系佢话系TVB慨意思。”

他有感完全不受尊重，所以决定不用Ali出席：“我唔系一个钟意影相慨人，但今日活动介绍慨时候，我同个个嘉宾都有影相。佢哋咁慨决定令我觉得好唔尊重，我每年喺TVB投放过千万广告费，点解会咁？所以我会抽起晒啲广告。（真系冇偈倾？）我谂乐易玲要畀个交代。”

此时其身边高层即表示已书信TVB沟通，希望有方法解决。

陈恩德不欲回应与Ali的关系：“因为系公事，我先作出回应，其他私人事唔讲。总之Ali系一个好人，佢讲咩我都唔想特别伤害佢，而喺我单方面，佢一定系我慨好朋友，今日佢嚟唔到，相关慨礼物我都可以照送畀佢。（咁出场费呢？）呢样唔得，因为唔系佢收，系TVB收慨。”

对于陈恩德扬言抽起广告，乐易玲回复东网说：“今日TVB旗下艺人蔡洁、戴祖仪、罗孝勇等都有出席活动，公司一向与各广告客户都保持良好的关系，从媒体的报道，今天的活动有多位艺人出席支持，场面热闹。至于艺人在公司工作以外的商业活动，保护和尊重艺人的意愿，都是经理人的基本责任。”

再追问跟Ali私下有没有联络？是否追求Ali？Mark则说：“私人问题就唔答，头先属于公事，就解释一次。好多人问我点解活动有Ali个名，但Ali唔嚟，所以交代一下。（追求Ali？）我只可以咁讲，喺我单方面，佢会系我好朋友，就算今日佢冇嚟，我会照送番NFT畀佢，我哋呢啲好冇所谓，其他私人事我就唔答，咁佢（Ali）想点讲，我完全尊重佢讲任何嘢，OK？但我觉得我唔需要去同佢去讲任何说话，大家朋友。”

问到除了给NFT外，会否给予出场费予Ali？他说：“唔会咯，因为TVB收㗎嘛，唔系佢私人收。”至于会否告Ali违约？Mark的律师再度搭嘴：“我哋因为会书信来往，呢个我哋会处理。”

谈到Ali发声明划清界线？Mark再说：“头先讲咗，佢想点讲都冇所谓，喺我原则就系，唔好特别伤害佢喇，佢系一个好人。”