被爆與李佳芯（Ali）秘戀逾一年的「蟲草大王」陳恩德，今午（26日）舉行新寵物概念活動，邀得王丹妮夫婦、蔡潔、許廷鏗、張天賦及戴祖儀等藝人撐場，而鄭裕玲擔任司儀。對於Ali原本亦在嘉賓之列，但陳恩德接獲TVB開出「不合理條件」，臨門一腳決定「放棄」Ali。

活動完結後陳恩德在律師及公司高層陪同下，解釋「不合理條件」謂：「起初我問過Ali同佢經理人，佢哋話Ok咪請佢嚟囉。但昨日（25日）TVB話如果出席，今日佢唔可以同我影合照，即使大合照都要保持距離，我覺得咁樣好唔尊重同合理囉。」

陳恩德表示接獲這個訊息後，自己有私底下聯絡Ali：「我問系佢定TVB嘅意思，起初佢冇覆我，後來有覆，但私底下嘅嘢唔公開啦，系佢話系TVB嘅意思。」

他有感完全不受尊重，所以決定不用Ali出席：「我唔系一個鍾意影相嘅人，但今日活動介紹嘅時候，我同個個嘉賓都有影相。佢哋咁嘅決定令我覺得好唔尊重，我每年喺TVB投放過千萬廣告費，點解會咁？所以我會抽起曬啲廣告。（真系冇偈傾？）我諗樂易玲要畀個交代。」

此時其身邊高層即表示已書信TVB溝通，希望有方法解決。

陳恩德不欲回應與Ali的關係：「因為系公事，我先作出回應，其他私人事唔講。總之Ali系一個好人，佢講咩我都唔想特別傷害佢，而喺我單方面，佢一定系我嘅好朋友，今日佢嚟唔到，相關嘅禮物我都可以照送畀佢。（咁出場費呢？）呢樣唔得，因為唔系佢收，系TVB收嘅。」

對於陳恩德揚言抽起廣告，樂易玲回覆東網說：「今日TVB旗下藝人蔡潔、戴祖儀、羅孝勇等都有出席活動，公司一向與各廣告客戶都保持良好的關係，從媒體的報道，今天的活動有多位藝人出席支持，場面熱鬧。至於藝人在公司工作以外的商業活動，保護和尊重藝人的意願，都是經理人的基本責任。」

再追問跟Ali私下有沒有聯絡？是否追求Ali？Mark則說：「私人問題就唔答，頭先屬於公事，就解釋一次。好多人問我點解活動有Ali個名，但Ali唔嚟，所以交代一下。（追求Ali？）我只可以咁講，喺我單方面，佢會係我好朋友，就算今日佢冇嚟，我會照送番NFT畀佢，我哋呢啲好冇所謂，其他私人事我就唔答，咁佢（Ali）想點講，我完全尊重佢講任何嘢，OK？但我覺得我唔需要去同佢去講任何說話，大家朋友。」

問到除了給NFT外，會否給予出場費予Ali？他說：「唔會咯，因為TVB收㗎嘛，唔係佢私人收。」至於會否告Ali違約？Mark的律師再度搭嘴：「我哋因為會書信來往，呢個我哋會處理。」

談到Ali發聲明劃清界線？Mark再說：「頭先講咗，佢想點講都冇所謂，喺我原則就係，唔好特別傷害佢喇，佢係一個好人。」