朱智賢自爆同謝東閔工作有拗撬

不滿跟男友學唱歌：真心唔鍾意 | 香港01

朱智賢（朱朱）昨晚（31/8）現身將軍澳出席活動。提到男友謝東閔離巢TVB，問到會否情侶檔搵真銀？

朱朱在接受《香港01》訪問時表示：「其實我哋又唔介意嘅，如果有客戶搵我哋一齊做嘢，我哋都可以㗎。而最近我啲片都係由佢負責揸機拍嘅，佢係充當攝影師嘅工作，不過我就冇人工畀佢㗎，因為我哋唔講錢，我哋係好踏實。」

問到二人一起工作時會不會有拗撬時，朱朱笑言：「其實你講得啱呀，真係唔好一齊做嘢，因為每個人做嘢都會係唔同嘅，就好似咁，我就唔鍾意佢做我唱歌老師，而我最近有商演我都係自己搵第二個歌唱老師學，佢已經教咗我好多年，真心唔鍾意佢教我，因為我會鬧返佢轉頭，哈哈。」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

38歲謝東閔(Brian)月初突然宣布離巢TVB，話曬14年感情，所以感慨出Po「希望將來再見」。Brian學到做戲技能，又學識做人，最重要凡事睇得好開，呢點非常唔容易，所以對TVB好感恩「俾人鬧完下次咪學精囉。」

對於Brian外闖，網上有唔少聲音，有讚他高大威猛有條件，唔怕搵唔到食；亦有口賤網民留言話唔Care佢走唔走，只記得佢係「綠帽俠」！

Brian聞言一臉愕然，笑住話自己好傳統，近8年冇睇網上留言，只係間中會聽下YouTuber嘅新聞評論：「我唔care呢啲留言，我又唔識你，唔會喺留言中生存，最重要係佢哋唔使負責任，鍾意講乜咪講乜囉。」

Brian坦言家香港經濟唔好，市民壓力好大，他更深明大義說：「佢哋利用網絡去宣洩情緒，講完開心，畀佢哋發洩下都OK嘅，我起碼畀到你舒服啲呀，出嚟待人處世EQ比IQ重要，冇EQ乜都做唔到。」

不過唔嬲還唔嬲，Brian覺得網民靠網絡宣洩唔健康：「按邏輯思考，我都唔會將快樂建築喺別人痛苦身上啦，咁可想而知佢哋係咩人？自身一定唔開心，所以唔使在意，要帶啲好嘅嘢畀人，咁自己先好㗎嘛。」

Brian又指藝人做每件事，觀眾都會有意見：「可能越多留言越好，證明受關注，佢哋肯花10秒時間留言畀我，我真係多謝你啦。好似Taylor Swift咁，IG留言都唔係個個正面啫。」

至於網民話唔識佢，他再笑說：「唔識我唔緊要，家知咪得囉，大家可以重新認識我。」最後他透露和女友感情穩定，但未有結婚計劃，未來兩人將拍住上做善事。