歐倩怡談離婚後被人罵哽咽落淚 望做好本分 時間沖淡一切

歐倩怡（Cindy）接受新城《梨事會》節目主持葉文輝（啤梨）訪問，兩人相識超過20年，Cindy在節目中真情流露，提到近日不斷遭受網民抨擊，她兩度哽咽落淚，啤梨即時送上關心和慰問。啤梨透露兩人初入行便認識，早年亦曾邀請Cindy上他的節目《卡拉O! BABE》。

他對Cindy說︰「妳喺我心目中係一個好真性情嘅人，後來有咗家庭，就消失咗喺我嘅工作範圍以內，依家再出嚟工作，妳嘅生活都有啲改變，無論如何，除咗想同妳傾偈之外，我都想叫妳加油，因為我覺得每一個人都會有自己面對嘅事情，煩惱、開心、唔開心，但Cindy係一個報喜不報憂嘅人。」

Cindy聞言指自己雖然經常笑，但其實是以笑遮醜︰「因為我轉數慢，好多時係慢人幾拍。」

提到與郭晉安離婚後的負面新聞，Cindy說當時突然被很多人罵︰「其實我覺得好神奇，我喺網上post咗我嘅婚姻狀況唔同咗，我咩都冇講，冇做任何訪問，啲人已經開始鬧，所以嗰時都唔開心，我有心碎嘅感覺，好似我做錯咗咩，講錯咗咩。有啲人會扮認識我，話我呢樣嗰樣，但明明我唔識佢，點解要扮識我。」

啤梨問Cindy在不開心的日子與什麽人傾訴，身為虔誠基督徒的Cindy表示會找教會姊妹︰「我有好多教會嘅弟兄姊妹、牧者，佢哋全部都會WhatsApp我，睇嚇我點樣，我講到想喊...」。

Cindy哽咽落淚，啤梨邊遞上紙巾邊表示暫停一會再做訪問。啤梨稱了解Cindy的內心感受，亦有感她備受外界輿論困擾，Cindy表示現今世界很難不上網際網路，所以一定會看到網民留言， 現在唯有努力做好本分，讓時間沖淡一切。啤梨予以安慰︰「每個人都會經歷好多事情，但呢啲經歷都會令到我哋成長，希望外界唔好因為睇到表面嘅結果或現象，就斷定對同錯。」

龔嘉欣想做搵錢強人 拒友人做媒介紹異性

龔嘉欣（7日）出席護膚品牌活動，表示因劇集《企業強人》帶挈而多了廣告、商演及直播等工作。她透露將拍攝飲食綜藝節目，明年2月會投入新劇拍攝，期待忙碌的生活節奏。

嘉欣透露有朋友想做媒為她介紹異性，被她一口拒絕。嘉欣說︰「朋友太緊張為我找個伴，但我想趁這兩年努力工作。我下月35歲，但各方面也保護得很好。」

談到陳曉華多劇在手成為劇後，嘉欣說︰「她年輕點，有著數。可擔心後浪推前浪？我早前整理自己的演戲歷練，發現自己已入行16年。那麽快就16年，很開心公司很惜我。昨天遇上樂小姐（TVB高層樂易玲），她說為我設計了東西。給我獎項？我不知道是什麽，沒有問，但會為自己拉票。」

今年視後之爭激烈，嘉欣認為楊茜堯、胡定欣等也很用心演好角色，她如能打入5強已滿足，笑言現在最想掙錢，成為「搵錢強人」及「廣告強人」。