楊茜堯讚王浩信用心鑽研角色 難忘跟胞姊楊卓娜爆喊戲分

楊茜堯上周六（9日）到新城廣播接受薛家燕、思敏和范振鋒主持的《開心大派對》之「開心家訪」訪問，對於《黑色月光》宣傳片段在登上網內地絡平台8大熱搜No.1，並錄得逾5億點擊率，身在溫哥華的家燕姐以Zoom越洋恭喜楊茜堯，她表示：「好勁，你有排做呀！」

相隔6年再拍TVB劇，楊茜堯坦言因遇上好劇本，而且能夠跟監製鍾澍佳首次合作，感到興奮，她說：「真係好開心，同埋始終都要掙錢嘅，呢幾年都主力照顧小朋友，有曬所有配套照顧佢哋，我就可以安心去做嘢。」

由於角色為了復仇，內心充滿黑暗，楊茜堯曾擔心未能駕馭角色，她說：「我睇完劇本覺得好吸引，但我本身係好開心嘅人，要做背景咁黑暗嘅角色，都有諗過自己做唔做得嚟，同埋觀眾鍾意比較，佢哋睇過其他國家以復仇為主嘅劇，自己都有啲緊張。」

楊茜堯在劇中與王浩信有大量對手戲，2人繼《名媛望族》後再合作，上次楊茜堯做王浩信「細媽」，今次則是復仇好拍檔。

她說：「冇咗佢，我喺復仇路上會有好多波折，最緊要佢收拾大佬；同埋佢好用心鑽研角色，每個角色都好唔同，未見過佢演一個咁暖男角色，好欣賞佢做法。」

談到劇中其中一場戲，楊茜堯令王浩信出賣兄弟，最後她希望用自己身體贖罪，該場戲充滿挑戰。

另一場最令楊茜堯難忘戲分，則是與胞姊楊卓娜合演的一幕，當時拍攝楊卓娜向她剖白自己內心的冤屈和心結，她說：「佢係爆喊咁講，當時拍咗佢先，我家姐係好感性嘅人，我哋又好有交流，監製喺側邊都睇到抹眼淚；

到拍我呢邊，佢話會將所有情感畀曬我，我好信任我家姐，當我講到含住眼淚，佢突然好淒涼話：『對唔住呀，我唔記得咗要講乜』，我話得，叫隔籬畀對白我，我自己做，不過我就心諗，好彩佢係我家姐，唔係我廿幾年畢生功力就咁破咗。」