箍煲後報喜︱張致恆又做老竇雯雯官宣懷孕

未過農曆新年前，張致恆（Steven）太太雯雯放下震撼彈，單方面宣布離婚。不過3日後，Steven戲劇性話箍煲成功，並表示：「一起走未來的路」，他還留言「一家五口」，即惹來雯雯又有喜疑雲。

到底雯雯是否有喜？她今日（2日）在社交網開Live，承認懷孕已達一半孕期，但未有透露胎兒性別。直播中雯雯沒有露面，當被網民被恭喜懷孕時，雯雯即地多謝網友，被問到為何又懷孕？

在旁的Steven獻唱《世事如棋》表達心意，當有網民佩服他們生三個，Steven說：「唔需要驚，生兩個系攰，三個都系攰，不過聽聞女仔會文靜啲，陪呢個仔玩三個鍾唔識停。」

而雯雯表示陪月服務太貴，所以不會請，當被問是否沒避孕，雯雯說：「呢個問題重要咩？無論如何都系一份福氣。（好有勇氣喎？）冇勇氣㗎，但都系一份禮物嚟。」

問到日前為何提出離婚？雯雯說：「唔講啦，要講嘅都講咗。過年唔好講呢啲！不過的確有啲人，見到你唔好就好開心。」

家法伺候！陳展鵬同阿女藤條「開年」

視帝陳展鵬與太太單文柔育有一女「小豬比」，早前有指單文柔「孕味濃」疑再度肚凸凸，為陳家再添新成員，雖然二人未有宣布好消息，不過趁住初三赤口，佢哋成家就齊齊上咗影樓影靚相。

當中陳展鵬就曬出手執藤條想同小豬比「開年」嘅合照仲留言：「聽講幫小朋友開個年，自然就會聽話啲。」

不過大家睇到唔使擔心，見相中陳展鵬微笑望實個女，明顯佢只係為配合氣氛而扮嘢，影輯溫馨又搞笑嘅家庭照。

單文柔則著上旗袍上陣，不過佢就幾乎張張相都遮肚，除咗用手上嘅揮春擋住，一時就用藤條遮，一時又企喺阿女身段遮，不過都依然睇得出佢腰間有肉。

唔知系咪真系有喜事不過未公布得住呢？

對於被指瘋狂遮肚，單文柔接受東網訪問時否認懷孕，並笑說：「啲相系角度問題，放心，如果有好消息，我一定會同大家講嘅。」