張馳豪慨嘆珍惜時光：好彩唔係敗家仔 談年邁雙親感慨落淚

29歲的「聲夢歌手」張馳豪（Aska）推出新歌《宇宙逃生口》，講述被分手後療傷的經歷，之前於泰國拍MV時更真情流露爆喊。

自言來自水造星座的Aska好感性、好易喊，他接受《頭條日報》訪問期間提到父母漸變衰老也感慨落淚，感恩自己不是敗家仔，會孝順父母：「所以更加珍惜同佢哋嘅相處時間。」

採訪：方騫平 攝影：朱偉彥 場地：Amelia Hong Kong

張馳豪新歌叫好叫座，獲媒體一致推薦，fans又在巴士站燈箱、巴士車身、港鐵車站等賣廣告應援，係威係勢。

歌曲由他作曲及作詞，分享自己心態 :「推開逃生門，我自由呼吸。」即使被分手後好痛，但都希望不用靠人，自己都能找到快樂。Aska在泰國拍MV時因為加入自己想表達的元素，銷毀有記憶的相片，結果突然悲從中來流淚，拍得相當到肉。

自認喊樣好樣衰

Aska自認是「喊包」，當日比賽時集集都喊，連朋友都將丑怪喊樣剪做貼紙：「其實每個人都會有感情，不過發洩方式唔同，我可能直接啲表達，咁感性啲又會多啲靈感做作品。」

原來年老雙親也是Aska的「喊穴」，一「篤」即喊：「呢兩年佢哋老得特別快，有少少變返細路仔，我覺得要珍惜同佢哋嘅相處時間…」

語畢Aska忍粗住流淚：「好開心呢兩年可以陪多咗佢哋，佢哋可以喺節目及宣傳上知道我嘅事，我哋之間關係反而好咗。」

讀過營養學碩士的Aska曾被父母反對入行，擔心他玩玩下搵唔到食，雖然出道4年暫時未有能力供養父母，但父母只要求他做人誠實，做事認真：「好感謝佢哋唔古板，肯放手畀我做鍾意嘅嘢，亦感恩自己唔係敗家仔，會懂得愛錫及珍惜佢哋。」

Aska自言會不斷求進步，想將最好一面給到父母看，讓兩老開心。