異空感應丨陳曉華想剪短鬆避答朱敏瀚是否喜歡

阮浩棕大讚何沛珈爽朗直接 二人憶鄭啟泰合作點滴即眼濕濕

陳曉華、阮浩棕、譚凱琪、羅毓儀等一眾演員今日（29日）出席於天水圍舉行的無綫劇集《異空感應》宣傳活動，與觀眾玩問答遊戲。曉華表示想剪回像劇中的短髮造型，短髮予人可愛和爽朗感覺，長髮抑壓了她的爽朗。問「了解中」的朱敏瀚是否喜歡她的短髮造型？她避談說：「唔知邊個？」

陳曉華比阮浩棕及陳家樂更麻甩?

阮浩棕在劇中與陳家樂被網民指「男男CP」，阮浩棕表示其角色很仰慕陳家樂，有一場更當面說要追求對方。

曉華又自爆劇中被兩男追求，問現中有否試過？她說沒有，因性格男仔頭很爽朗，很難遇到兩男追求，又笑指阮浩棕和家樂經常說她是男人，阮浩棕笑問她的港姐冠軍是怎樣呃回來，直指曉華比他與家樂更「麻甩」。

曉華即自稱已斯文多了，笑問是否因拍拖斯文了？她說因為拍劇，在《巾幗梟雄之懸崖》桂花香角色很斯文。阮浩棕表示與爽朗的女仔做朋友很舒服，問緋聞女友何沛珈是否爽朗女仔？他說對方爽朗直接，仍在了解中。

大讚龔慈恩愛錫後輩

談到已故的鄭啟泰有參演此劇，二人表示當時得知對方離世消息感突然和惋惜，憶起合作點滴講到眼濕濕。曉華表示獲很多前輩愛錫，劇中飾演她媽媽的龔慈恩見她疲倦到在車上睡覺，對方請她到屋企睡覺又煮東西給她吃。

36歲電視台小花冇劇拍打幾份工幫補生計：啲衫著到爛先攞去回 | 香港01

丁樂鍶（丁丁）今日（29/11）現身天水圍出席無綫熱播劇集《異度感應》宣傳造勢活動。丁丁接受《香港01》訪問時表示：「今次呢個角色係好有挑戰性，因為有好多方面都係新嘗試，而呢個角色我係唔可以話俾大家知我做乜，因為一講咗出嚟，就會影響曬成個劇集嘅追看性，我只能夠講係一啲破案嘅關鍵嚟，變咗我係唔可以劇透。」

對於戴耀明為了生計不怕面子，到茶餐廳做侍應，幫客人落單送餐。

原來丁丁也有開工不足的日子，都會死慳死抵不會亂花費購物，而且還會做兼職幫補生活費：「其實自己比較慳，都唔會亂咁去買嘢，生活上好多嘢都會好簡單，同埋會環保，例如啲衫會著完再著囉，著到爛先會攞去回收。

同埋有時候遇到冇工開嘅時候，我都會做兼職，因為我有個姨姨佢係做禮儀師，咁所以我係跟佢去做嘢，呢份工我都做咗3年，咗啱係喺疫情嘅時候去做，而家冇劇拍嘅時候，我都會去幫手，除咗呢份工同拍廣告之外，都會到朋友診所幫手，可以話乜都撈嚇咁。」

孟希璘接受《香港01》訪問時表示：「其實做我哋呢行，就真係唔係日日有工開，變咗好多時候都要諗定其他嘢做去幫補收入，我諗過揸機車送外賣，但考咗4次唔合格，點解我想機車送外賣，係因為貪佢夠彈性，到我有劇拍嘅時候，我隨時唔返都得。假如我返茶餐廳嘅話，應承咗返工就唔可以甩底，變咗就冇咁彈性，始終自己就唔鍾意甩底嘅人嚟。」

孟希璘入行6年時間，明白到演藝圈多競爭，演員路並不易行，她感激父母一直支持同體諒，令她可繼續追夢：「其實收入唔多嘅時候，就會慳住用，屋企嘅水電、媒同屋租，全部都係靠屋企人，就算出親街食飯，全部都係我阿媽俾曬。其實我個心係好不堪，覺得對佢哋唔住，對佢哋好多虧欠。好多謝佢哋一直咁支持我，佢哋好理解我對呢行仲有份使命，而佢哋覺得我如果離開呢行係會覺得好可惜，而我爸爸佢雖然六十幾歲，但佢仲覺得自己仲有啲活力仲撐得住，變咗佢哋唔想我放棄呢樣嘢。」