周吉佩開唱哽咽憶亡父!邀尹光做嘉賓跟Yumi比舞勁喘氣

2024-12-01

周吉佩開騷哽咽憶亡父 自爆拍拖5次:家初戀係我個女

周吉佩(吉吉)《第三人生演唱會》昨晚(11月30日)假旺角麥花臣場館舉行,獲「中一生」及「中二生」包括龍婷、羅啟豪和譚輝智﹑以及冼靖峰、吳業坤、馮盈盈和樂易玲等捧場。

一身紅色閃片西裝的吉吉,自彈自唱《活著VIVA》和《我是憤怒》,為個唱揭開序幕,接著Solo打油桶鼓,再唱出幾首歌后,脫到外套露手臂,台下觀眾大嗌除衫,他說:「仲除驚冇人睇,操得好辛苦,露手臂算有交代。」

他出道16年終於可以舉行自己演唱會,感謝大家不離不棄,他解釋「第三人生」意義是代表圓內心的夢:「夾band是我種子,寫歌是我養分,之前唱的《生活道》是我在sp'ACE時期寫的歌,千祈唔好時限到,人都老仍帶問號,有夢想就努力去追,這句是我阿爸教的。」

吉吉指一直努力去撐,在夢想和現實之間角力,但無論多努力做音樂都去不到目標,還有人跟他講「撐嚟做乜」,幸好遇上《中年好聲音》,讓他覺得一直以來的堅持也是值得,還有機會唱人生第一首劇集歌,然後唱出《梁山伯的華爾茲》。

吉吉的外父期間送上利市,十分搞笑;吉吉唱出《第二次初戀》時,自爆太太不是其初戀,他共拍拖5次,不過與太太拍拖時,都有初戀感覺,但現在已經沒有此感覺:「家初戀係我個女。」

吉吉之後唱出兩首歌《你是我唯一的》和《留給這世上我最愛的人》送給生命中最重要人太太和爸爸,說:「多謝太太喺我人生中最落魂時出現扶起我,佢話自己有3個小朋友,其中一個係我,多謝佢養到我肥肥白白。」

說到已離世爸爸,吉吉哽咽說:「雖然佢離開我已20年,但知道佢仍喺我身邊守護我,喺佢身上學識幾大問題,都要笑住面對,希望爸爸今日睇到,你個仔冇令你失望。」

嘉賓尹光甫出場,即引來全場尖叫,2人合唱《Dear Myself》,吉吉欣賞光哥走在潮流尖端,指邀請光哥來是因對方很切合自己演唱會的不放棄及追夢主題。

尹光指雖然已年屆80,但歲數並不是問題,最重要心境和健康,並鼓勵吉吉繼續努力:「你捱咗16年有自己個人演唱會,但我捱咗54年,先得到最佳演繹男歌手,你仲後生,將來大把機會攞獎。」接著吉吉叫尹光教他講越南話「凍水」,但聽起來好似粗口,全場大笑。

吉吉再與另一位嘉賓鍾柔美(Yumi)一起跳唱《APT.》,吉吉跳完後喘氣並大讚Yumi好正,笑說:「我生得佢出,做得佢爸爸。」他讚Yumi勤力,無論唱歌和讀書都用功,是女兒學習對象。吉吉唱到《我的親愛》時,走落台與觀眾握手,又全場大合照。

吉吉騷後接受訪問,他對演出感滿意,初時都擔心體力能否應付,因唱很多首歌,結果尚算不錯。

問到會否開Part 2?他表示下個目標在澳門舉行,詳情儘快公布:「今次雖然開一場,但很開心好爆,所以好想可以去遠啲,澳門外,未來希望可以去大灣區舉行,目標喺內地巡唱,去到美加就更好,因演唱會概念花咗好多心機,年初已開始準備,唔想浪費想法。」

說到子女與合唱團跟他合唱《青春頌》,他表示是他安排,亦是為了配合演唱會主題:「幾代唔同嘅人同台,有光哥、Yumi、又是我呢個中年,再有幼年,好似一代接一代傳下去。」


相关文章

  • 《紅星大獎》30年 星光璀璨5亮點
  • 入圍最佳女配與十大 陳美心:沒信心獲獎
  • 闊別25年重返《紅星大獎》 劉青雲感嘆時光飛逝
  • 新泰合制《折影雙生》新加坡開拍 方展發許美珍再演夫妻默契足
  • 【紅星大獎】最佳男女配角 許美珍 陳漢瑋
  • 紅星大獎2025|10大最受歡迎女藝人 黃思恬明年上神台
  • 紅星大獎2025|「特別成就獎」 李銘順
  • 【紅星大獎】最佳潛力星 鄧偉德 最受歡迎潛力星 孫政 張哲通 鄧偉德
  • 獅城男售冒牌貨 LV索賠290萬獲判20萬