李佳芯疑離巢TVB 好友梁嘉琪13字終極揭開真相 | 香港01

梁嘉琪昨日（9/12）現身油塘出席「無煙老友記」計劃「全城集氣無煙未來有耆」活動。梁嘉琪接受《香港01》訪問時表示：「其實我公公佢食咗好多年煙，每次屋企人叫佢戒菸佢都話戒唔到，於是我哋就帶啲孫仔孫女多啲去拖佢，俾啲動力佢，令佢明白煙對小朋友有害，就係咁，佢就成功將多年嘅菸癮成功戒除，我哋屋企人係好開心。」

對於好友李佳芯，被網民發現於社交平台的工作聯絡人已由TVB經理人，改為「DM for work」，疑似低調離巢。

嘉琪表示：「其實我哋一直都有聯絡，但就真係冇傾工作上嘅嘢，而我哋平時嘅聯絡都係睇嚇電影，又或者睇嚇展覽，咁所以我真係唔知，同埋我真係唔係成日上ig，睇佢經理人聯絡仲喺唔喺度呢。

（見到好友李佳芯被TVB打格仔會唔會覺得好慘？）真係唔好意思，我真係少留意呢方而嘅新聞。（而家話你知，咁覺唔覺得慘？）加油，加油，希望多啲地方可以見到你演出，加油，加油。

（佢冇嘢做，會唔會介紹佢入電台做？）佢會冇嘢做？佢個人好忙㗎，因為佢要讀好多書，同埋佢有好多唔同嘅興趣，所以唔需要擔心佢嘅。」

炎明熹赴首爾示範「口氣攻擊」推出新歌及節目 被無綫解凍？

炎明熹（GiGi）傳因續約問題，遭TVB「雪藏」，不過GiGi新歌《最動人一次》已在各大音樂平台上架，昨晚（9日）亦MV首播。

該歌是音樂特輯《戀上西沙》主題曲，節目原本由今年8月底播出，延至12月21日播出，新歌MV發布為TVB Music Group，但究竟GiGi已被無綫解凍，還是新歌是「告別作」，則仍未有定論。

另外，GiGi昨晚在Ig貼出早前跟朋友飛首爾遊玩相片，當中包括搞笑的「口氣攻擊」。

GiGi笑指自己懶得P相：「你哋慢慢睇，不過最尾嗰度有P咗啲嘢，可以估嚇哈哈。」同時她又溫馨提示昨晚有新歌MV播放，叫大家多多支持。