何沛珈佛系態度面對頒獎禮3項提名 李爾晨被炎明熹粉絲嫌老曾不快

何沛珈（Roxanne）和李爾晨（Kyle）將在炎明熹音樂特輯《戀上西沙》中，首度合作演情侶，Roxanne大讚Kyle拍談情戲好有風度，但Kyle卻呻被炎明熹粉絲嫌老不開心。對於在頒獎禮中獲3項提名，Roxanne會以佛繫心態面對，能參加一年一度盛事已感開心。

採訪：杜杜 攝影：譚志光 形象:@loklammm_(沛珈) 髮型:Ming Leung@chillworkhair(Kyle)、Hair Corner@nicki_ting(沛珈) 化妝:KYO LEE(Kyle)、King Yip@kingsmakeup(沛珈) 場地:Ukiyo

特輯中Kyle跟Roxanne和炎明熹都有感情戲，Roxanne解釋：「我係去挽留佢，談情得嚟會帶點傷感。

」不過她大讚Kyle好有風度，合作得好安心，「我哋會有啲身體接觸，好明顯我係做主動嗰個，哈哈！Kyle係好gentleman，絕對唔會冇溝通過就直接攬住，不過有啲情感戲，女仔做主動反而令男仔舒服啲，會知道身體接觸程度去到邊度。」

為角色操肌又騷肌

32歲的Kyle 首次做主角，坦承有一定壓力，「一個就《東張》女神，一個就小天后，壓力梗係有啦！仲有Gigi嘅fans話搵個年紀咁大嘅襯Gigi有冇搞錯？！我為咗咁樣都唔開心咗一段時間，死啦！我都唔係好老啫！見到呢啲評語後都有急住自己保養，做多啲運動保持年輕。」

不過就算冇畀人話老，為了今次角色Kyle都要狂健身，「唔知點解個劇本係要我大部份時間都要唔著衫，拍嘅時候又冬天，希望嗰時咁勤力操冇白費，將我最好嘅狀態畀到觀眾睇。」

談到下月舉行的頒獎禮，Roxanne獲得「最佳女配角」、「最佳女主持」和「飛躍進步女藝員」3項提名，她當然開心，但會以平常心面對。

「有咁嘅成績好感恩，我期望去到頒獎典禮現場已經夠啦！得獎方面，我係比較佛系態度，但好希望參與，因為係公司一年一度盛事，好似一班屋企人一齊開party，亦都希望觀眾多啲投票，就可以吸引更加多人睇嘅節目，估嚇邊個到時會得獎。」