洪永城大女3歲生日P行善　Sirface誠心許願超可愛

洪永城與梁諾妍大女Amber洪靖嵐（Sirface）3歲生日快樂，二人為囡囡舉行恐龍主題派對，還安排了魔術表演和波波池，讓壽星女跟一眾到賀的小朋友玩得開心盡興。

洪永城與梁諾妍齊在社交網分享多張現場歡樂照，當中大部分是Amber的可愛特寫照，大曬表情包，特別是誠心許願的一張，連爸媽都想知：「sirface究竟許緊咩願」。

二人留言：「Sirface 3歲啦！時間真係過得太快，你係一個好特別嘅女仔，當人哋萬聖節要做Elsa，你就話要做巫婆；而你又特別鍾意Baby Shark同恐龍，只係上年生日主題已經係Baby Shark，咁今年就恐龍啦～我覺得自己真係好幸運，有一個好懂事嘅女兒，仲識照顧返妹妹，你一路長大，我哋都一路學習，請你繼續做一個健康快樂寶寶，你開心就是爸爸媽媽我哋最大嘅心愿。生日快樂Sirface，愛你愛你好愛你！」

二人亦多謝到來跟Sirface慶祝的朋友仔與家長，亦多謝各位爸媽慷慨捐錢給他們指定的服務流浪動物機構，作為Sirface生日禮物，

希望將這份善心，由細教導兩位女兒去幫助更多有需要的人和小動物，但各位爸媽都很好，捐錢之餘仍有送禮物給Sirface。