鄭俊弘開心兒子完成3星期治療有大進步

學懂用叉進食感動到眼濕濕 回港後會繼續幫Asher鍛鍊

鄭俊弘、鍾柔美（Yumi）、孫慧雪及JC陳詠桐等昨晚（31日）到青衣出席除夕活動。

希望今年有機會再去

剛從美國返港的鄭俊弘早前與老婆何雁詩帶患「天使綜合症」的兒子Asher到當地接受了為期3星期的治療，他表示兒子的表現好好，因為課程也頗劇烈。

但見他每天也在進步覺得很開心，現在兒子的力量好了很多，站起來也穩陣了不少，識爬外也學識用叉喂自己：「返到香港會keep住同佢做佢嘅運動，等佢繼續進步。

（再去美國治療？）如有機會都想，可能下年，因為要排隊，佢哋嘅物理治療都係好出名，睇嚇幾時有位。」

認識很多「天使綜合症」的家庭

他又謂經過這次後感到好大希望，也期望兩年後可有藥物治療患有此病的小朋友。他又指參加晚宴時，也認識了很多有「天使綜合症」的家庭，也得到大家的鼓勵和愛覺得很感動，而兒子拿叉吃東西一刻自己也感動到眼濕濕：「睇住佢攞住個叉將啲嘢食放落口其實真係好感動，因為頭1、2個星期佢都唔知咁做，第三個星期有啲嘢開竅咗，所以就好開心。」

鄭俊弘指在返港後兒子會繼續去做物理治療，自己在美國也學懂一些知識，現時每日也會幫兒子鍛鍊，希望他的狀況會越來越好。