前TVB「長腿女神」宣布再懷孕 三年抱兩元旦報喜：二寶要來臨了

33歲前TVB「長腿女神」曾淑雅（Jumbo）2023年7月無預警宣布與圈外男友結婚，同年11月誕下兒子Kobe，卸貨後火速修身成為星級靚媽。

兩個月前Jumbo約滿TVB回歸自由人生活。

踏入元旦日，她公布喜訊宣布懷有第二胎，成功三年抱兩。

曾淑雅：2寶要來臨了

2025年的第一天，曾淑雅在IG發文報喜，她寫道：「Happy new year！2025新一年，第一個開心喜訊，2寶要來臨了，Kobe做哥哥啦！上年11月Kobe突然開始做拱橋，真係畀佢召喚咗細佬妹返嚟，（呢個都市傳說，神奇地喺自己身上發生了）。」

曾淑雅三年抱兩

「長腿女神」曾淑雅續指，她估不到自己能三年抱兩，「Big family become！相信嚟緊會好熱鬧亦都會更忙碌！2025的好開始！」

她更hashtag表明 感恩 一家五口 bigfamily 一切順利 我的人生繼續忙碌。

「長腿女神」曾淑雅去年11月在IG留言：「11月會是一個好開始，重回正軌，當媽後的目標完成進度：1.顧好頭家。湊好Kobe，2.顧好身體。恢復從前的身形，3.顧好工作。趕回普拉提鍛鍊進度，4.顧好心靈。走上山呼吸新鮮空氣， 當媽的時間真的要分配得很好 用好每分每秒 不做懶女人 顧好家庭 顧好身體。」

想不到事隔數天，曾淑雅再有新動向，她撰長文表離開TVB：「今天起正式回歸自由人的生活，走回自己的道路。感恩5年間在公司中嘗試了好多的第一次，真是滿滿的回憶的。首先我的第一個代表作《蒲夜市》初嘗飲食主持，自己一個人就咁去咗台灣拍足2個星期！食足10個台灣夜市！真心好多都好好食架。」

她續說：「《3日2夜》作為主持新手的我，因意外地變了一人主持，在拍攝中變相壓力很大。嗰陣真係好驚自己做得唔好又做得差，有一刻拍到忍不住哭了，自信心跌到谷底，最終多謝拍攝團隊的安慰。順利完成。《港產旅行團》第一個寓工作於興趣的節目，有得食又有得比我行好多好多嘅山，每次都係山上面由天光拍到天黑，出咗好多汗水嘅一次！但都好開心滿足，仲畀咗機會我行咗個高難度山『蚺蛇尖』，而結尾仲送埋個『大整蠱』畀我，應該令好多人笑到收唔到聲，包括我自己。認真成件事真係被整蠱架，真心超佩服幕後們的認真準備。」

直到《姊妹淘》，曾淑雅表示真正學做主持：「我就由嗰陣一個唔係好識扮靚嘅女仔，因為咁就偷師咗好多小知識，仲有最最最難得係上咗超經典嘅《獎門人》遊戲節目，我而家先知我咁叻啜桌球波，仲有原來我都幾有力可以人肉自轉，最後亦有幸參與過6套劇，好開心係最後參與拍攝嘅《仁濟心》短劇同《新聞女王》，都畀我嘗未試過嘅角色。」

最後曾淑雅說：「5年過去，雖然最後並沒有做到很亮眼的成績，但能成功的帶過歡樂畀大家也不錯呀！感恩給予機會的每一位導演監製；感恩每一位幫我接洽過工作的經理人同事；感恩能相遇一起開心工作過嘅台前幕後同事，最後要感謝一直follow 我支持我的大家。不知道還會不會有機會再喺電視見到大家，為有緣再會啦！又一個寶貴的人生經歷過程 不知不覺原來在娛圈打滾了13年了 努力過盡力過無悔。」