龔嘉欣認有了解對象新一年要主動出擊 肥媽舉手做婚宴掌廚 幟哥恐會唔夠奶水育嬰

龔嘉欣、肥媽（Maria Cordero）、李家鼎等今日為TVB飲食節目《在家宴客50道菜》宣傳，龔嘉欣更即場示範斬雞，有板有眼。

龔嘉欣表示入行16年，首次做飲食節目主持，笑指初時以為做嘉賓飲飲食食，原來是要落手落腳下廚，但因有名廚坐陣，她的崗位似助廚，又說從中偷了不少師，並拜了其中一位名廚邵德龍做師傅：「原來肥媽冇諗過我未結婚，我都想似佢哋咁可以煮得一手好餸，煮畀將來嘅家人食。」

有少少心急結婚

她又笑言大家都很擔心她的婚姻大事，幾乎每集都會提，名廚黃永幟更連她有冇奶都表示擔心，教她煲魚湯有利谷奶喂母乳。剛過了35歲的嘉欣，有朋友指她已是高齡產婦。

她坦言有少少心急結婚，但冇考慮過雪卵，強調要順其自然：「有時都覺得矛盾，既想事業衝刺，但又畀朋友話我冇進步，人哋約我都唔應約，所以決定今年開始要放開啲，多啲同異性約會，家都有互相了解嘅朋友。問到農曆年期間可會煮飯給了解中的朋友試試？嘉欣坦言新一年要做主動，試問對方願不願意。

慶穿deep V戰衣

談到即將舉行的台慶頒獎禮，有份提名視後的龔嘉欣透露會積極拉票，自爆8年前攞過女配角後，4年前奪「馬來西亞最喜愛TVB女主角」及「最受歡迎電視女角色」，自覺每隔4年就會有獎很巧合。

她笑謂今年不知會否有好成績，而她亦已挑選了戰衣，透露是前V後V，但因未試身未知尺度，強調會走高貴路線。

另外，肥媽和鼎爺都讚嘉欣斬雞手勢合格，鼎爺指她拍攝時很用心，會問清楚每個步驟，笑言只要她有心學就一定會教。

肥媽則主動表示要為她的婚宴掌廚，惜二人身邊都冇好男仔介紹，又笑她食量驚人又食極不肥，鼎爺更笑她是「人體消化機」。