MC張天賦變紅日假期主持唔想再放病假

大感冒靜養領悟健康重要 直言去年同甄子丹合作最難忘

MC（張天賦）化身廣告信用卡紅日假期主持，為市民預報2025年全部紅日假期，教教大家假期消費時如何精明賺著數。

第一次做假期主持，MC坦言好玩，表示︰「其實我好喜歡同聲音有關工作，無論唱歌啦，做DJ、主持、報導員，都鍾意，用唔同語氣講述一件事，係幾好玩！」

2月舉行澳門演唱會補場

MC在上星期澳門尾場演唱會《This is MC 2 LIVE IN MACAU》不慎染到流感，最終尾場要延期舉行。回港幾天休息及睇醫生後，MC仍然留在家中靜養。

他笑言︰「終於有假期！不過係最唔鍾意嘅病假，希望自己可以儘快康復，立即返澳門場再見大家！」MC澳門演唱會1月5日場次因病取消，定於2月1日舉辦補場。

回顧2024一年，MC不單憑藉兩齣電影登上大銀幕，在樂壇亦保持一貫水準。對這些成績。

他直言︰「結果永遠對我嚟講係後話，音樂上我只有一個目的，就係要令樂迷聽得開心，自己又做到自己想做嘅嘢，已經好滿足。2024年我音樂上產量唔算高，因為做咗好多新嘗試，例如化身紅日假期先生啦，又拍咗兩部電影，同丹哥（甄子丹）合作最難忘，第一次接觸動作電影，真係學咗好多嘢同好開心，我覺得係自己星途上一個大突破！未來我希望可以有更加多新嘗試！」