台慶頒獎禮2024｜張振朗開齋首奪最佳男主角 爆喊膺雙料視帝

TVB3屆視帝黎耀祥和羅嘉良，負責頒發台慶頒獎禮的「最佳男主角」，黎耀祥自嘲：「我今晚凍過水。」他們又笑指另一位3屆視帝郭晉安「上咗岸」，指他好難度期。

張振朗擊敗羅子溢﹑陳豪﹑陳展鵬和黎耀祥，憑《反黑英雄》首次奪得最佳男主角，成為今晚雙料視帝，他聞悉獲獎一刻時爆喊，好友朱敏瀚上前擁抱。

張振朗說：「我同自己講唔好喊，但真係忍唔住，我好開心好多謝每一位畀機會我嘅人，多謝珍姐（曾勵珍）佳導（鍾澍佳）及樂小姐（樂易玲），主席及志偉，多謝每一個鍾意我嘅人，我頭先睇（片段）好多前輩走咗，我曾經諗過我仲有幾耐留喺呢個圈，冇人知，好難估計，只可以儘量enjoy每一個moment，enjoy喺我演藝時候開心時刻，今日呢個獎好重份量，我應承大家，一定繼續努力，演藝係我生命，多謝﹗」

2011年一出道就有翻版黃宗澤之稱的張振朗，2012年憑《法網狙擊》中蔡震烈（炸彈哥）而為人熟悉；

其後2014年在綜藝模仿節目《Sunday扮嘢王》因扮演張智霖演唱其版本的《歲月如歌》再度人氣急升，帶上黑超之酷似張智霖於《衝上雲霄II》飾演之角色「Cool魔」。

在2015年他亦憑著《愛·回家2》Anson一角入圍頒獎禮「最佳男配角」提名，在2017年《踩過界》的演出，備受不少網友大讚演技有進步，而他在《星和無綫電視大獎2017》中亦獲得了「我最愛TVB男配角」一獎，仲爆喊搞到對眼腫曬。

萬千星輝頒獎典禮2024｜最佳女主角：龔嘉欣

恭喜第一位「視後嘉欣」

龔嘉欣早前在TVB的盤菜宴中以鮑魚攻勢拉票，她笑言最重要是大家開心，又說有同事說沒有拿到，她一定會補回給同事，更指已預了5位數字派利市，揚言如攞到視後就派雙封，大家向她利市就會給。

TVB花旦的龔嘉欣（Katy）入行16年，在TVB演過無數角色，早前她在台慶劇《企業強人》中飾「方芳」一角，以爆喊的喊功獲網民封為「淚之女王」，今年亦有份角逐視後。今日（5日）龔嘉欣35歲生日，但她卻在IG透露身體出問題。

龔嘉欣生日髮長文

龔嘉欣今日凌晨在IG出生日post，她透露想將她的生日願望分享給大家，她大愛地希望她身邊的每一位都身體健康，包括她的粉絲，她坦言：「看似好簡單嘅願望，但係呢一個真係我最想達成嘅願望。呢幾年經歷多咗，感受到好多嘢控制唔到，今年農曆新年前，發現到身體有啲毛病，一直都做緊好多檢查，（容許我保留少少，詳情就唔再講啦！）」

龔嘉欣感謝醫護團隊

龔嘉欣感謝多位醫護人院的幫忙，她續指：「我想多謝咁多位醫生：錢太、容教授、陳醫生、吳醫生，咁盡力幫我，依家情況已經有改善，雖然仲未返到去最佳狀態，但係我會努力養好自己身體，大家唔使太擔心！慶幸嘅係 我仲有能力可以，做到自己鍾意嘅嘢，返工拍嘢做活動唱歌做主持，總之好充實，我就好開心㗎啦！(典型工作狂），以後我都會更加專注演員／藝人工作！」