楊茜堯膺大灣區視後稱成就解鎖 安慰老公羅子溢：心目中視帝

楊茜堯昨晚（19日）憑《黑色月光》勇奪「大灣區我最喜愛TVB女主角」，但失落視後寶座，敗給龔嘉欣《企業強人》，今天（20日）楊茜堯在Ig貼相，並指去年是豐收的一年，感謝遇到的每個人和每件事，同時她恭喜各得獎者，又指自己成就解鎖。楊寫道：「作為演出者，能夠成為經典好劇的里的一份子，可遇不可求，無忘初衷，把每一個角色盡力做好，這是對自己最大的獎勵。」

不過老公羅子溢未能憑《婚後事》登上視帝寶座，該劇亦未獲任何獎項，不少網民感不值，而楊茜堯則安慰老公：「我心目中的視帝 @lawhimmm（羅子溢） we love you﹗」

台慶頒獎禮2024｜馬國明集齊3視帝獎 想下次奪最佳配角

馬國明、楊茜堯在《萬千星輝頒獎典禮2024》上奪得「大灣區最喜愛TVB男、女主角」。馬國明受訪時坦言沒想過能憑去年1月播出的劇集得獎，所以很多謝觀眾投票支持。 對於已集齊香港、馬來西亞及大灣區的視帝獎，楊茜堯搶著說︰「我夠係囉﹗」

馬國明表示︰「我未拎個男配角，唔係降grade，冇乜所謂，總之係獎就可以攞﹗（下一個目標係男配角）攞埋啦，攞埋就最好，最好乜都攞曬﹗」楊茜堯則說她能集齊幾個地區的視後獎很開心，最開心是改名後以新名字得獎。

楊茜堯上台時笑言沒想過現在的女主角獎會那麽早頒發，她還以為有時間想想得獎時要說什麽。楊茜堯說︰「我12年前，已經12年啦，企喺TVB頒獎台嘅時候，我話畀大家聽，我話我會繼續努力，唔會驕傲。12年後，我依家以另一個名企喺呢個台度。人哋問我點解要改名，除咗為小朋友之外，我希望可以帶一個全新嘅形象畀自己。希望喺佢哋（小朋友）嘅人生之中，佢哋會好驕傲我係一個好嘅媽媽，我係工作上面有好好嘅成就。」

楊茜堯發言時一度哽咽，又數度叮囑台下工作人員不要催促，稱如再有機會上台，會把佔用多了的時間歸還。

她繼續說︰「多謝《黑色月光》團隊對我無條件嘅信任，無論我做得好唔好都會接受我、接納我。多謝經理人，佢由我細細個帶到依家已經25年，從來都冇放棄過我。多謝我老公（羅子溢），有你喺我身邊，我好多嘢都可以唔care，但係有你喺我身邊，我覺得我好多嘢都可以做得更加好。今晚我哋兩公婆成績係點都好，都畀小朋友一個美好嘅回憶。我知道我媽咪應該睇電視望住我，多謝媽咪無條件幫我照顧屋企，等我可以放心出嚟拍嘢。我完全準備好曬，有劇就搵我啦，但都要畀時間我搞掂屋企先。我等你哋，多謝大家﹗」