愛回家｜單立文自爆隱疾入行多年冇人知？　豹哥：我之前睇過醫生 | 香港01

《愛．回家之開心速遞》（23/01）同觀眾拜早年，一眾藝人都有出席宣傳活動。活動上眾人談到蛇年，劉丹又分享說在老家蛇亦有「小龍」之稱。興之所至，單立文又笑說：「我左耳都聾聾哋。」

大家以為豹哥單立文只是開玩笑？原來他是認真的。

豹哥單立文接受《香港01》訪問時，坦言左耳聽力真的有問題：「你（記者）而家企左邊我真係聽唔清楚。」

他表示，聽力受損是因為夾band所致。

他說：「我不嬲玩band，玩到而家計落50年，如果玩咗50年band對耳仔都冇事嘅話，我就唔係band仔嚟㗎啦！玩到後期，因為我哋要塞ear mon，我哋又唔知，愈較愈大聲，自己唔覺搞到職業性失聰。好似而家你喺嗰度其實我聽唔到你講乜嘢。」

左耳剩下幾多成聽力？他回答：「我之前睇過醫生，佢話⋯⋯我唔記得咗，要睇返張紙先知，但係佢哋有check。」

記者再追問細節時，他又開玩笑說：「嚇？！你做手語呀。」相當風趣。之後他又解釋，左耳是時好時壞，有時候會聽得清楚，有時又會聽不到。

愛回家｜新年逗利市　古佩玲分享媽咪都會「幫手keep」：一半一半 | 香港01

講到過新年逗利市，好多人都會想起兒時經歷，「媽咪幫你儲住先，大個畀返你」。古佩玲（23/01）出席《愛．回家之開心速遞》宣傳活動時接受《香港01》訪問，她也分享到，直到現在也會有類似的「傳統」。

古佩玲表示，新年時她不會派利市給後輩，但就會準備糖果給親戚的小朋友。問到每年「逗到幾多利市」。

她就回答：「好少㗎，我之前每年都要交返畀媽咪。即係細個通常攞到好多利市，但係媽咪會話『媽咪幫你keep，大個咗再還返畀你。』但係大個咗就冇咗件事，哈哈。我相信好多小朋友都係。」

現在呢？她笑著說：「好似都係......一半一半。因為有時女仔啲袋好細，跟住媽咪就話：『攞喺我個袋度先啦。』咁就擺喺佢個袋度，轉頭大家都唔記得曬。」