憶做臨演獲陳道明賞識！林夏薇哽咽：努力會畀人睇到

藝人林夏薇（薇薇）今年初憑《七公主》中的「顧語嫣」一角奪得《萬千星輝頒獎典禮2021》「最佳女主角」殊榮。

近日忙於拍攝TVB新劇《法言人》的薇薇，早前百忙中抽空接受TVB娛樂新聞台《Star Talk》專訪，與主持潘盈慧大談得獎感受，及入行多年來的得著。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

談到宣布得獎一刻，薇薇坦言當時腦子一片空白：「真系好難形容，我呢世都會記得嗰刻嘅感覺。」

入行轉眼已十多年的薇薇，於北京中央戲劇學院表演系畢業，並一步步慢慢挨至今天的成績。

她笑言：「好記得當年由冇對白嘅臨演，臨時演員都系演員啦，行行企企拍嚇手咁，再由冇對白到同主角有一、兩句對白咁，再由配角去到主角...所有呢啲畫面都歷歷在目，好似時間停頓咗咁。我當時上台攞獎其實好想表達畀媽咪聽，好彩我嗰時冇放棄。」

薇薇指當晚站在頒獎禮台上，腦子裡閃過了當年為內地劇《手機》「跑龍套」時，與當時已是內地一級演員的陳道明的互動畫面：「當時我系臨時演員，好榮幸可以同陳道明老師有對白，我系負責演參賽嘅選手。拍嗰時我喺台上，陳道明老師喺台下，當鏡頭掉轉要拍番老師佢哋時，台上其他（臨時）演員走曬，得番我一個，咁我咪畀完A（反應）再畀B同C（反應）囉。跟住陳道明老師就贊我好專業。

佢話：『你咁細個，都識得要留喺度畀對白。』佢嗰日加咗戲畀我，仲教我應該點樣做反應。嗰日我明白到更加要堅持演員呢個夢想，無論系幾細嘅角色，努力系會畀人睇到，同埋就算唔系拍緊你，都一樣要專注。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

談到演員初心，薇薇更邊說邊含淚哽咽，相當感性。

對於贏得視後後備受爭議，薇薇回應謂：「個獎對於我系好嘅開始，系一種鼓勵同肯定，佢系鞭策緊我嚟緊要做好每個角色回饋觀眾。其實嗰晚我好感動，我收到好多電話同訊息，有啲訊息仲要好大篇文，反而我啲朋友好擔心我，然後我因為咁先留意到原來有人咁覺得，因為嗰一刻真系太多嘢要處理。」

獲得視後殊榮的林夏薇，現在正在趕拍TVB新劇。

今早林夏薇在社交網上載一張和馬明的合照，相中馬明看來十分疲倦，林夏薇精神還好，原來二人拍戲拍通宵，直踩至今早10點才收工，並寫道：「又一個大通頂...到34:00的田律師和金師爺還算精神吧。」好友胡定欣即留言笑指：「可以再拍多幾場」。

其後，林夏薇再貼出一張坐在車上的自拍照，「大通頂」後想趕緊回家休息的她，卻遇上塞車，並大呻表示：「終於...收工～通頂到34:00，為何還要經歷塞車？早安～晚安。」不少網民都留言叫他們爭取時間休息，不要捱壞身體。