何依婷懷孕巨肚現身活動指食量變少　指請辭《新聞女王2》感可惜

何依婷前年年底閃婚，與富二代男友拉埋天窗，正式榮升人妻，據消息指她目前懷孕7個月的她亦減產，專心養胎。

何依婷昨日（19日）出席「77工作室春茗暨慶功宴」接受訪問表示：「懷孕好神奇，個BB越嚟越大，個BB會係咁踢你，同埋摸到你喺個肚裡面有手仔腳仔都幾得意。」她則保留神秘不願透露預產期的日子。

何依婷繼續指肚子越大就會食量變得少，並表示：「咁樣食嘢就頂住咗個胃。」提到最近是否有磅重量，她表示：「其實我唔係重咗好多，淨係重咗十幾磅，同埋都可能要食返多啲嘢。」

被問到是否因為懷孕的原因未能拍攝《新聞女王2》，她坦言：「都係㗎！都覺得有少少可惜啦，始終《新聞女王》新聞女王同大家合作得好開心，希望嚟緊有《新聞女王3》。」她透露懷孕的時候已經向監製辭演。