黃建東恨今年孭飛主持感性節目 冀戒甩拖延症搞更多自家創作

黃建東檢討去年表現尚算不俗，在綜藝《福祿壽訓練學院》和劇集《黑色月光》都有意外收穫，最滿意是成功減掉30磅肥肉，兼成立製作公司做老闆。展望今年，東東努力維持雙線發展外，還想戒甩拖延症多搞創作，更望有機會孭飛主持感性節目，展現搞笑外不同面向。

採訪：杜杜 攝影：林賓尼 髮型: Roy Lo/The Salon Peninsula 服飾:WOW Fashion Jewellery 場地:The AIR (The ONE)

東東去年綜藝有《福䘵壽訓練學院》，而劇集有《黑色月光》和《本尊就位》推出，前者雖然最終只得第6名，但這次參賽令他收穫不少，「真係多謝祥師兄（阮兆祥）喺《福祿壽》教我less is more，做少咗反而啲人話我做得好好。」

參賽還令他扚起心肝搣甩30磅，「我係有啲拖延症，要有死線鞭策，因為想總決賽身形有唔同，好快減咗20磅，之後再減多10磅。」

羅子溢主動稱讚

講到《黑色月光》，東東雖戲份不多，但努力卻被看見，「連我阿媽都話唔係眨嚇眼唔見咗我，亦唔係淨係搞笑，有人話有好大嘅進步，係好大嘅嘉許。」

他想不到在化妝間獲羅子溢主動讚賞，「佢特登走埋嚟話『你今次做得好好，恰到好處』，我係好容易做多咗嘅人，今次唔諗表現、設計，反而更好，都上咗一課。」他多得阮兆祥提點，他演繹時處理方法跟以往好唔同，「

浩信係主角，我做佢好兄弟支持佢，我只係好鬆咁喺個角色裡面，呢個黃建東可能大家少見啲。」

直認有拖延症的東東，期望今年能成功戒掉，「成日啲人話我創作啲片會幫到我，但好耐冇睇過，我係個冇死線就做唔到嘢嘅人，所以咁鍾意參加比賽去迫自己，今年希望拍返多啲片，最好1個月做到1條，同埋出到新歌啦！」

拖延症還蔓延到他去年開設的製作公司生意，「好慚愧，開咗後唔係太有時間打理同搲生意，成日睇住死線做人，有時會令到身邊人好，好驚咁得罪曬啲客戶就死嘞！希望今年做多啲製作。」

保持雙線發展的他，最大心愿是有節目由他孭飛主持。

「如果有得揀想做啲感性關懷節目嘅主持，呢個係真正嘅黃建東，畀大家睇到我除咗搞笑嘅另一個面向。」