孤独过80大寿只求有美食！秦煌唔觉系悲惨老人家：最紧要心态好

生日恨食云吞面

讲到食，秦煌最恨食是云吞面：“有10几年未食过，想食好耐都唔敢出声，女工话难买㖞(咁叫仔女买啦？)唔使，嚟到都冻啦。”煌哥还想当年：“20几年前收工会去九龙城食宵夜，嗰度啲云吞面、艇仔粥好靓，好想回味返当年感觉。”

他又表示年青时行得走得乜都食，后来怕脚痛戒食内脏及戒酒。对于他的双脚仍然又黑又肿，煌哥变身“老顽童”说：“我好乖，瞓咗成3/4日床提起对脚消肿，呢个系瞓床效果，对脚开始皱皮及收水，好返好多啦…大佬呀，就算仲系肿都冇办法啦，今年都成80岁喇，年纪大，唔会要求自己行路跑步，我仲可以企喺度，按住张台喺尿片度‘开大’，总之精神就得。”

记者完成采访后，专诚徒步10分钟去专门店为煌哥买云吞面送上惊喜，开心到不得了的煌哥话要趁热食，就算食完晚饭都急不及待“队”埋个面，就汤都饮埋。老人家愿望达成，衷心向记者说：“多谢你！”然后回房休息。