陈凯琳出生不足3个月暖气箱！母亲解释女儿英文名由来

陈凯琳出世时瞓足3个月暖气箱 母亲解释女儿英文名由来

陈凯琳（Grace）与母亲刘惠娴（Connie），日前结伴接受新城节目《Ben同Benson Chur到行》访问。Grace作为3子之母，同时兼顾艺人及KOL工作，与丈夫郑嘉颖也工作忙碌，她被问到两人如何分工照顾儿子时说︰“我系慈母，嘉颖喺育儿上比我严肃﹗佢都唔想做衰人，但做妈咪永远都系慈母，所以佢就变咗呢个角色。不过，我哋有个共识，有啲嘢唔可以太松，例如过马路时一定要拖住，我哋就会较严肃去教小朋友，因为关乎危险，我哋就会统一啲。”陈妈妈透露3个外孙精力旺盛，而且各有不同性格。

她表示︰“大孙仔好活泼，佢见到乜就会联想到第二样嘢，个人好有公义；二孙仔好钟意玩砌图，佢上嚟我屋企会坐埋一边自己砌；最细慨孙仔成日周围走，又要揾我只猫，又钟意淋花，好活跃。”

Grace在节目中反客为主访问母亲：“你觉得你做咗婆婆之后，会唔会比照顾我时纵容咗呢？我见到有少少，但可能系我偏见。”

陈妈妈否认，说自己不敢纵容3个外孙仔。她说：“我好想同你、同嘉颖慨步伐差唔多一致，尽力去适应你哋慨家规同教训。小朋友咳，唔准食甜嘢，我真系唔畀，我好合作。我唔想去混乱你哋慨思维，同埋你哋点会去害自己小朋友，一定系畀最好，一定有原因先咁做，咁我唔使明白，我去配合就好。”

Grace于事业黄金期结婚生子，她坦言很乐意当妈︰“最重要系调整好时间，尽量每件事都做好。嘉颖成日提醒我，佢话做人唔可以咁贪心乜都做晒，要一样一样做，先可以满分。我老公慨价值观非常好，佢畀啲仔知道钱唔系必然有，要挣番嚟。我哋喺屋企时会畀啲家务小朋友做，例如执碗、揼吓骨，之后就畀1、2蚊佢哋，等佢哋知道唔系打开手板就有钱。 ”

Grace希望3个儿子将来能互相帮助，兄弟情不变。她说︰“佢哋打交系必然，但打还打，希望佢哋会爱惜对方，将来哥哥或细佬需要帮忙，都要尽量去帮，因为佢系你慨家人，呢个爱系无可取替。”

节目尾声时，Grace与陈妈妈分别向对方送上《Dancing Queen》及《Amazing Grace》。陈妈妈说︰“佢（Grace）出世时又奀又瘦，只得4磅几，住暖气箱住咗3个月。我记得护士抱佢出嚟时，佢块脸发光，我觉得好graceful，即刻加咗英文名叫Grace，所以佢慨出生系好amazing。”