方皓玟为内地旅客抱不平 帮手付车资 斥的士司机态度差

方皓玟为内地旅客抱不平 帮手付车资 斥的士司机态度差

歌手方皓玟（小明）昨天（3日）在社交平台发文斥一个的士司机，她对该司机的行为看不过眼，小明先写道：“今（昨）日帮一位内地女游客俾咗$50的士费。原因系因为她没带现金喺身，个的士司机，不停闹佢，我真系睇唔过眼，人哋已经叫紧朋友攞钱嚟俾佢，叫你等一阵，使唔使擘大喉咙咁闹人，香港人慨待客之道就系咁样吗？希望真系只得你系咁。如果个个都系咁，呢个城市有点可悲。

又不是得罪你，只系迟少少俾钱。真的咁大问题吗？我见到就扯火。最激气慨系，当我行过去俾钱个司机慨时候，佢问我你系佢朋友咩？点解要帮佢？我就觉得呢个人心地真的很差。我话，我唔系佢朋友，但我睇你唔顺眼。”

不少网民对小明的举动反应不一：“你确实好好人但系唔可以怪司机啰（点解冇现金要坐的士呢？你有冇谂过）”﹑“拨开肤色、语言、年纪、性别、宗教或政见蒙蔽思想，按常理判断，有需要就伸出援手，同时教训坏咗慨人。谢谢小明亲身示范”﹑“人哋揾食～时间就系金钱～佢要同条女喺度等咁佢唔见紧钱㗎嘛，咁嬲都正常慨～揾食艰难啊﹗”

接着小明再在留言区详述整个过程：“我讲清楚少少当时全个过程，嗰阵我企咗喺度等车，亲眼见住架的士停车，然后乘客开门，接住就‘立即’听到的士司机好大声系咁闹，而位女仕乘客系咁道歉，乘客亦都即刻揾方法，立刻call朋友攞现金，同时亦都听到位女仕keep住系咁道歉，亦有同司机大佬讲会俾番多d（啲）车费，但司机大佬继续不断系咁破口大骂。

嗰刻慨感觉系，明白司机大佬要揾食，但个乘客系有礼貌、feel sorry，唔系嗰种无品慨旅客，所以嗰刻慨反应，系过去帮个乘客俾咗钱了事。要揾食我明白，但无礼貌就系无礼貌，一个男人粗口夹杂咁闹一个系咁道歉慨女乘客，司机大佬心急，可以有好多种方法礼貌d（啲）去处理，而唔需要去到咁尽，如果全部人都系用‘揾食’呢2个字就大X晒，可以咁无礼貌，对女仕咁无风度，少少同理心都唔能够容许，咁香港亦都无得救。

点解大家都咁锺（锺）意去日本旅行，其中咪就系因为日本人有礼貌。香港依家经济已经够差，大家生活都唔容易，明白司机大哥要揾食，喺艰难慨环境下，每人行多一步，忍一忍让一让，成个社会气氛好d（啲），大家有饭开，就系咁简单。”