譚凱琪盆骨傾前要治療 盼再生B 拒做全職媽媽：不想跟社會脫節

譚凱琪（Zoie）今天（10日）到銅鑼灣拍攝廣告，透露已接受該醫療公司的盆骨修復療程，盆骨收窄了6cm。她說：「生完囡囡後，一直有長短腳問題，抱完她會好攰，盆骨好痛，經檢查後，發現盆骨嚴重傾前，之後還要接受較長時間治療，始終盆骨對女士很重要，加上我想再生BB，但不會是今年的事，今年的工作已排滿。」

Zoie透露日內會入組拍劇，笑言不可再以陪小朋友為藉口不工作，她說：「小朋友每個階段都很重要，不捨得錯過，但囡囡已4歲開始長大，不過現在又面對揀小學問題，我本來是佛系媽媽，但在其他家長氛圍下，搞到我都驚囡囡無書讀。

（做全職媽媽？）我不想跟社會脫節，有工作才有成功感，沒必要放棄，犧牲自己一點休息時間便可，我昨晚也沒睡覺，因囡囡發燒，我陪她睡覺及要探熱和抹身。」

譚凱琪新劇演病人　為角色狂做資料搜集：對住塊鏡練戲 | 香港01

譚凱琪（Zoie）今日（10/3）現身銅鑼灣為醫療中心拍攝廣告。譚凱琪接受《香港01》訪問時表示：「今次我拍呢個廣告主要係講盆骨修復，原來我唔檢查，都唔知我盆骨有咁大件事，我個盆骨係傾前咗。

之前都有朋友係憑肉眼都見到我盆骨有傾前，佢哋係有話過我知，但我係冇乜點在意。而家知道咗之後，就要勤力啲接受盆骨修復治療，避免日後會有好多病痛走曬出嚟。」

提到又開新劇，譚凱琪表示：「其實過兩日就會有宣傳活動，而呢套劇我係再次同阿Mo（陳豪）再合作變咗我只能夠講，呢個角色對我嚟講好大挑戰性，因為今次係演一個病人，為咗呢個角色我係做咗好多資料搜集，同埋自己都有對住塊鏡練戲，咁所以好相信大家係未見過呢個譚凱琪。」