奪命提示丨張振朗拍攝時爆眉撞走黑氣望好運帶旺劇集

劉穎鏇與陳山聰對打雙手腫大一個碼 受傷仍死頂紥住蹦帶繼續打

陳山聰、張振朗、劉佩玥、劉穎鏇及郭柏妍等今日（9日）到荃灣出席新劇《奪命提示》宣傳活動，張振朗指劇集等到他成為雙料視帝後出街，望好運能帶旺劇集，又表示劉穎鏇也做得非常好，更睇好對方能做視後。

劉穎鏇 : 從未試過受那麽多傷

對於有「地獄黑仔王」之稱的振朗拍此劇時因撞爆眉骨要入院縫7針，他笑言撞完後撞走黑氣變鴻運當頭，而自己也成長不少，學識日後再拍打戲時要安全地搏命。

劉穎鏇則指劇中造型上有很多突破，在打鬥方面也從未試過受那麽多傷：「成身同手嘅瘀痕，返公司要遮，因為唔連戲。最傷係同山聰打嗰場，雖然山聰衫入面攝曬Pad，但唔知點解我每次都打中冇Pad嘅位，雙手腫到大咗一個碼。」

振朗笑言可轉行幫扎蹦帶

振朗亦笑指第一場戲就已和劉穎鏇一起拗柴，但因之後仍要拍攝，所以兩人唯有死頂紥住蹦帶打，劉穎鏇更笑言已習慣帶著運動繃帶，振朗就指日後轉行可幫扎蹦帶。

另外，振朗女友楊偲泳早前在社交網站貼出身穿背心的相，然後寫著「角色限定 售完即止」，振朗就留言表示「我買」，問他是否在宣示主權，他笑說：「唔使，主權大家都知，我好低調！」