亞洲電影大獎｜劉青雲登影帝寶座︰我對港產片有信心

曾三奪香港電影金像獎影帝的劉青雲憑《爸爸》，在昨晚（16日）舉行的「第18屆亞洲電影大獎頒獎典禮」中，憑電影《爸爸》首次獲亞洲電影大獎的「最佳男主角」。他從今屆「終身成就獎」得主役所廣司手上接過獎座後。

他說︰「好開心，《爸爸》係港產片﹗好多謝導演翁子光一直對我嘅信任同埋畀咗呢個機會我。我要多謝我喺戲入邊嘅屋企人，谷祖琳，同個女Lainey（熊諾頤）。雖然佢冇提名，但係佢喺《爸爸》入面演得好好，仲有戲入面嘅仔蘇文濤，佢有提名最佳新人，雖然佢冇攞獎，但係唔緊要。」

青雲對台下蘇文濤說︰「你知唔知，我從來冇提名過最佳新人，所以其實你好叻﹗」青雲最後表示︰「好多謝大家，我對港產片係有信心，大家一齊努力，多謝。」

蘇文濤爭新演員心情緊張 劉青雲拒為「兒子」減壓

劉青雲與電影《爸爸》中的兒子蘇文濤，昨晚（16日）結伴現身「第18屆亞洲電影大獎頒獎典禮」的紅地氈環節。角逐「最佳新演員」的蘇文濤坦言緊張，青雲笑言︰「我冇幫佢減壓，呢個係好好經歷，要佢去感受，所以我決定唔理會。」

太太郭藹明未有現身，青雲解釋：「佢依家比較深閨，自己搞掂。我都要問佢去唔去金像獎。佢依家比較少參與呢啲活動，但都有喺背後協助我，幫我揀衫。我今日呢套衫，都係我哋一齊揀，佢嘅意見好重要。」

亞洲電影大獎｜影帝劉青雲無懼「寒冬」︰我曾經歷多次

「第18屆亞洲電影大獎頒獎典禮」今晚（16日）舉行，影帝及影后分別由香港的劉青雲及印度女星沙哈娜戈斯瓦米奪得。青雲得獎後表示︰「拍完《爸爸》這套戲後，戲中仔女都叫我爸爸，很開心有這家人，我得獎也是因為戲中這家人。我有點緊張，多謝他們的演出成就了我獲獎。多謝大家支持我和香港電影﹗港產片有很多好電影，所以我不擔心，因為我也曾經歷過很多次電影寒冬。」

他大讚役所廣司是很優秀的演員，他亦經常看對方的電影。對於兩人被指外表相似，他說：「他有型很多，年輕時很靚仔。我謙虛，一定這樣說，希望能與他合作。」

出爐影后沙哈娜戈斯瓦米說︰「拍攝《桑托什》的最大挑戰是演戲，但又不令別人覺得我在演戲。得獎對我來說是最大的肯定，證明我演得不差。我覺得很不真實，腦海一片空白。今次是我走過最好的紅地氈，我對香港的整體感覺好好。」