方皓玟亮相TVB惹Haters攻擊 自爆幾年冇上過電視台谷歌

方皓玟（小明）近日親力親為力谷新歌《步兵記》，歌曲將於明天（21日）派台，她近日舉行試唱挑戰，在Ig貼片兼寫道：「今次真喺邀請步兵們試唱呢首新歌，估唔到步兵門都好唱得，全部跟得上。3月21號派台，記住都各大平台聽嚇，留意下啦。」

另外，小明去年亮相無綫音樂節目宣傳新歌，惹來不少haters窮追猛打攻擊，她昨晚在Ig有感而發表示：「我只係想講，對每一位歌手嚟講，每一首作品都係心血，都會想喺多啲平台俾更多人聽到我既音樂。

喺上TVB之前，其實都有好幾年，係完全無上過任何電視台宣傳新歌，但就算係個個歌手都會成日上嘅不同音樂節目，我都係無上過，原因不詳。

作為一個音樂人，創作一首歌，作曲作詞主唱，每首歌都係我既心血，有時都真係希望每個人都可以多點諒解。其實任何有質素嘅音樂平台邀請我去做表演，我都會去。因為我係一個音樂人。」