麥明詩死敵龐卓欣受情傷患厭食症 暴瘦至98磅再患暴食症 匿廁所偷食想扣喉

麥明詩與龐卓欣都在2015年參選香港小姐，二人在中小學時亦一同就讀女拔萃書院，再加上當年二人都被視為大熱門，可惜最後龐卓欣屈居成為亞軍，故二人一直被指是由細斗到大的「死敵」。

龐卓欣自卸任後未有簽約TVB，主力往KOL路線發展，她與金融才俊男友Patrick不時高調放閃，一直感情穩定。

日前龐卓欣在IG上發布了一段準備出席活動的影片，當中她透露自己曾因失戀患上厭食症，導致健康亮起紅燈。

龐卓欣自揭中三情傷患厭食症

最近，龐卓欣在IG上發布了一段準備出席活動的影片，並以英文留言：「觸發警告，分享我在 9 年級時患 ED 的故事，這也是我始終優先考慮健康飲食並允許自己時不時享受我喜歡的食物的一個重要原因！」

影片中可以看到龐卓欣身穿粉紅色弔帶背心及灰色貼身長褲出鏡，她一邊化妝一邊說：「我大概中三嘅時候失戀，我鍾意嘅男仔鍾意咗第二個女仔，嗰個女仔出名係蛇腰，所以嗰時我想比嗰個女仔靚，就令我開始唔食嘢，慢慢就有厭食症。嗰時我地冇人知有厭食症，都唔係社會討論嘅題目，就係純粹唔想食嘢。」

龐卓欣又透露：「我宜家106磅，我嗰時瘦到98磅，朝早食乳酪，然後食隻蛋，淨係食水煮蛋嘅蛋白同埋麥皮麵包，放學後健身3個鐘快步行，嗰時我成個人變得好暴躁。」

龐卓欣躲廁所偷食想扣喉

其後龐卓欣表示當時厭食症維持了3、4個月，後來演變成暴食症：「厭食症之後係會暴食症，我同自己講食完呢餐，聽日就減肥，所以我就不停塞自己食嘢，塞完又好後悔想扣喉，幸好我扣唔到喉，我係試過想扣都扣唔到就放棄了，如果扣到嘅話我應該會一路食完扣、扣完食。」

其後龐卓欣表示到美國讀書後才得以康復：「我唔使再每個星期見我嗰時好鍾意嘅男仔，成個人會輕鬆啲，唔再覺得要證明我靚過嗰個女仔，冇咗壓力。」

片尾龐卓欣表示：「唔好令到自己好似我咁樣，去到一個難以返轉頭嘅地步，就好難改返你嘅習慣，同食物成立良好關係要好長時間。」