周吉佩回應《中年好聲音》被指搶Job：冇話邊個搶邊個 替太太性感打扮現身擔心

周吉佩、何雁詩、譚輝智、關楓馨、黃嘉雯及謝雪心等昨晚（11日）出席慈善晚宴，周吉佩與身穿低胸裙的太太黃彥欣一起到場，非常吸睛。對於太太打扮性感，周吉佩指因自己是「仁愛大使」關係，所以太太尊重場合才會這樣穿，又表示太太很久沒有這樣，故事前也替她擔心，著她要披披肩或收埋。

問到是否押醋？他解釋是因太太瘦了很多，覺得無謂獻醜：「佢要減肥，因為我而家瘦左啲，佢成日都怕喺我隔離俾人話大隻，我的即將要去塞班島，所以怕身形Over，同今次都難得，本身佢話唔去，但我大小事都要佢幫手，我的都會順便去玩、影嚇相。」

周吉佩指今年已落實一些工作，當中包括fans Club兩周年戶外見面會及會出書，而內地開巡迴也在傾談中，希望儘快能成事。

問到是否有留意魯振順指有不少演出機會、登台騷由《中年好聲音》包辦，他表示有留意，亦承認在《中年好聲音》畢業後也一直有工作。

但他謂不清楚市場上的指標：「希望大家都有工作，冇話邊個搶邊個，（開騷邀請佢？），我都要睇佢肯唔肯，或者其他前輩肯唔肯，我之前香港演唱會都有問好多前輩，不過因為夾唔到時間，得光哥（尹光）一口應承，我都要再次多謝佢。」

另外，周吉佩又指已看了Coldplay演唱會，大讚演唱會氣氛好，認為人生要做的事情其中一項已解鎖，而自己終極目標也是在啟德開騷。